My Sweet Poetry: 11/08/11

Chal Koi Dastan_e_Dard_e_Muhabbat Tu Suna !!

Chal Koi Dastan_e_Dard_e_Muhabbat Tu Suna !!
Dubte Chand Un Ka Koi Pegham Tu La !!

Apni Be Kar Umeedon Ko Charha De Sooli !!
Jo Tujhe Chor Gaya Un Se Muhabbat Na Jaga !!

Kitne Khosh Fehm Zamane Mein Jiya Hoon !!
Ya Rab Per Mere Bakht Mein Kya Hai Mujhe Kuch Tu Bata !!

Roye hain bahut aaj hum tere naam se

Roye hain bahut aaj hum tere naam se
kyon hoti hai tarap tere ek khayal se

jab tu khush hai , apni hi duniya mein
phir kyon jeeye hum tere intezar mein

ek tere vaade par, chale aaye is paar
ab kharre hain tanha, tanhai ke mukaam pe

Roye hain bahut aaj hum tere naam se
kyon hoti hai tarap tere ek khayal se....

dard se hath na milate to aur kya karte…

dard se hath na milate to aur kya karte…

gum k aansuu na bahate to kya karte…

dost na maangi thi roshni ki dua…

hum khud ko na jalate to aur kya karte…..

My Sweet Poetry
my-sweet-poetry.blogspot.com

Karoge Yaad Ek Din Is Pyar Ke Zamane Ko

Karoge Yaad Ek Din Is Pyar Ke Zamane Ko

Chale Jayenge Jab Hum Kabhi Na Vapas Aane Ko

Chalega Mehfil Me Jab Zikr Hamara Koi

To Tum Bhi Tanhayi Dhundoge Aansu Bahane Ko

sach kahon to mujhko ye unwan bura lgta hai

sach kahon to mujhko ye unwan bura lgta hai
zulm sehta hua INSAN bura lgta ahi

kis qadar ho gaye MASROOF ye dunya apni
ek din theray to MEHMAN bura lgta hai

unki khdmat to bht door hal ye hai yahan
boorhay MAA BAAP ka farman bura lgta hai

mere ALLAH meri NASLON ko ZILLAT se nikal
itni ZILLATt mian MUSALMAN bura lgta hai

SAZA Pe CHOR Diya... JAZA Pe CHOR Diya

SAZA Pe CHOR Diya
JAZA Pe CHOR Diya

Har 1 KAAM Ko HUM Ne
KHUDA Pe CHOR Diya

Wo HUM Ko YAAD Rakhte
Ya Phir BHULA Dete

US Ka KAAM Tha
USKi RAZA Pe CHOR Diya

Ab HAWA Ki Marzi BUJHA De
Ya Phir JALAI Rakhe

CHARAGH HUM Ne JALA K
HAWA Pe CHOR Diya

Ab US Se BAAT Bhi
Karte To Kis Tarha Karte

Ye MASLA ANAA Ka Tha
ANAA Pe CHOR Diya

Is Liye To WO KEHTE Hen
BEWAFA HUMKo

K HUM Ne Sara ZAMANA
WAFA Pe CHOR Diya.
-=-=-=-=-=-=-=-=-=-=-=-=

Be-Hiss Hain Yahan Log...Bhala Soch k Kerna

Be-Hiss Hain Yahan Log
Bhala Soch k Kerna

Iss Dor Mein Logon Se
Wafa Soch K Kerna

Ek baar jo Rothy
To Mana Tum Na Sako ge

Ham Jese Wafa Daron ko
Khafa Soch K kerna

Gul Shaakh Se Bichery to
Kahin ka Nahi Rehta

Tum Zaat Meri Khud Se
Juda Soch K Kerna..............

yun akeley me use ahd e wafa yad aye

yun akeley me use ahd e wafa yad aye
jese bunday ko museebat me khuda yad aye

jese bhataktey hoye panchi ko nasheman apna
jese apno ke bicharne pe dua yad aye

jese dhalti hoi shamon ko sawera koi
jese pinjaray me parindey ko faza yad aye

jese boorhe ko khiyalat me bachpan apna
jese bachey ko shararat pe saza yad aye

jese ujri hoi basti ko zamana apna
jese toofan ko tahrne pe diya yad aye

haal uskaa tere chehre pe likhaa lagtaa hai

haal uskaa tere chehre pe likhaa lagtaa hai
vo jo chup-chaap khaRaa hai teraa kyaa lagtaa hai

yuuN terii yaad meN din raat magan rahtaa huuN
dil dhaRaknaa tere qadmoN kii sadaa lagtaa hai

yuuN to har chiiz salaamat hai merii duniyaa meN
ek talluq hai ke jo TuuTaa hu’aa lagtaa hai

ai mere jazba-e-duruuN mujh meN kashish hai itnii
jo Khataa hotaa hai vo tiir bhii aa lagtaa hai

jaane maiN kaunsii pastii meN giraa huuN “Shehzad”
is qadar duur hai suuraj ke diyaa lagtaa hai

Aarzo thi teri zulfon ko sanwara kartey

Aarzo thi teri zulfon ko sanwara kartey
Saamney bitha key tujhey ghulabon ko istiaara kartey

Barbadi-e-umr key asbab per kiyun kr gour-o-fikr kartey
Kiyun na teri gheri aankhon ko neharaa kartey

Yun tu kaie aye hain anjuman may teri
Hum tu faqt aik tujhey pehroon pukara kartey

Dil dukhatey hain tera kisi sabab key tehat
Pagal si tamana hai key teray ashkon ko sitara kartey

Qais itna tu yaqeen hai moujza-e-muhabbt pe humain
Teri rahoon may beech jatey jo phoolon ko ishara kartey

Raat usay dekha

Talaash may tha kisi ki

Poocha kia koh gayea

Bola WAFA

Mai hansa aur kaha

Pagal wafa koh jaye

Be-wafai ban kr nafraton k dasht may

Misl-e-khak udti hai

Zakhmi wafa ab nahi milti

Uski taalash may zakhm milte hain

Sirf zakhm,

Dehaktey sisaktey taraptey

Zakham……..

Ye simat-te saye na janey kia piyam laye hain

Ye simat-te saye na janey kia piyam laye hain
Lagta hai band gali may dhalti shaam laye hain

Poocha tha kal mai ney shab key andheraypan se
Kiyun utar key meri rooh may sar-e-shaam aye hain

Safr tu kat sa gayea justujo-e-laa-haasil may
Ab baalon may dhoop saja kar koun se muqaam aye hain

Ujratoon pe wafaon ka soda tu kabhi na kiyea
Tu phir ye shab-e-hijr ki tawaalat kia likhwa kar taqdeer-e-mubaram laye hain

Humain ishq tha sadaa tarapne se sisakney se jaanan
Kuch sooch kar hi kehanch kr sazaon ko dar-o-baam laye hain

Yun aadmi ko aazmati hai zindagi

Yun aadmi ko aazmati hai zindagi
Dekar do haath khali reh jati hai zindagi

Bar-haa azmaya hai haathon ki lakeeron ko
Har bar na janey kiyun maat de jati hai zindagi

Rasmoon kay touq galey may daley ghissat rahe hain
Nafs key in bojhoon se naveed-e-nijat dillati hai bandage

Din key ujaalon may musaaib-o-allam se ghabra kr
Qabai-e-shab key sajdon may behlaati hai bandigi

Wo nabz pe meray haath rakh kr ye booley
Kia yehi be-rabt saanson ki rawaani kehlati hai zindagi

Ye mery aangan may kaisi chaap hai

Kia teray qadmon ki hai

Meray khiyal-e-peham ki

Aangan ki zameen kachi tu hai

Magar

Khiyal ho ya teray qadam

Dono hi sunai detay hain

Barson se ye azab sehtey hain

Barson se ye ashk behtey hain

Na janey

Kiyun phr tera khiyal

Qaba-e-wahm oorh kr

Chupkey se meray aangan may utar aata hai

Na janey kiyun

Kuch raatain sulagti si

Kuch baatain bilakti si

Kuch moti bhikrey se

Kuch khat jaley se

Kuch khwab tootey se

Kuch azaab roothey se

Ye sub sanbhal rakhain hain

Teray jaaney k baad jaanan

Teri yaad key jazeeron se

Aati hain ajab sargoshiyan si

Kia tujhey yaad agayea koi fassana adhora sa

Yaad agaye wo soghatain jo

Sanbhal rakhien hain

Teray jaaney key baad jaanan

Silsila wafa ka waheen se jodain ge jaanan

Jahan se moor tum mur gayen thein

Aaftab ki pehli kiran ko

Tanha tum choor gayen thein

Kalaam-e-ashk key

Be-karaan tasalsul ko tum tor gayen thein

Silsila wafa ka waheen se jodain ge jaanan

Tumhey yaad hai wo

Samandar ka kinara

Chand tanha aur sitara

Meray haathon may haath tumhara

Phir

Hatheli pe meri ashk gira kr jana tumhara

Chalo ab key December may jaanan

Jo zindagi ne ki wafa

Silsila wafa ka waheen se jodain ge jaanan

My Sweet Poetry
my-sweet-poetry.blogspot.com

Wo subah ka alamnaak savera

Kaise mai bhool paoon ga jaanan

Jis subah ki raat guzri thi

Ashkon ki barsat may

Ashk meray aur teray

uss saahil ki rait pe

Aaj bhi sulagti hai zameen

Aaj bhi be-karaan hokar tarpti hai mouj-e-sagar

Teray hath ka lums aaj bhi zinda hai

Meri be-muraad hatheli pe jaanan

Wo subah ka alamnaak savera

Kaise mai bhool paoon ga jaanan

Bisat-e-waqt pe tehri thi zindagi ki baazi

Na tu shikast ka khuwahan

Na mai mutamani tha ruswai ka

Phr bhi taqdeer banai tu ney hamari

Uljhi hoi muhabbt ki

Phr chahaya andehra meray ujaalon may

Tu koh gaye anjaan be-nishaan veeranon may

Mai aur meri tanhai

Ab yehi pochte hain jaanan

Wo subah ka alamnaak savera

Kaise bhool paon ga jaanan

kahan milta hai dil-e-nashaad ko qaraar bataye koi

kahan milta hai dil-e-nashaad ko qaraar bataye koi
kahan bharti hai jazbon me padi daraar bataye koi

namaz-e-ishq adda kartey rahay aanchal pe jinkey sadaa
kab hoga qaboliyat-e-sajda ka unhain iqraar btaye koi

chalo tasleem hain humain sub khatain sub sazain
koun hai khatakar koun sazawar kb tak rahe ye israar btaye koi

wo jo parhta tha teri hamd ki tasbeeh
houa dargah mandah kiyun tehra gunahgar btaye koi

aik roz bhaut sataye ga usay aihsaas-e-jurm Qais
zamaney bhar me jab na paye ga humsa talabgar btaye koi

UTH TOO JATEY TERI MEHFIL-E-SHAB SE JAANAN

UTH TOO JATEY TERI MEHFIL-E-SHAB SE JAANAN
TERI ANKHOON MAY JALTAY DEEP MUJHE ROKTEY RAHEY

TERI MASOOM ADAOON KA SEHAR KUCH ISTARAH TARI RAHA
HATHOON MAY LE KAR BHI TERA HATH KHATAIN ROKTEY RAHEY

PAEECH-O-KHUM TERI ZULFOON KE BECHAIN KIYE RAHEY
CHAH KAR BHI SULJHANYEN KI KAWISHAYEN ROKTEY RAHEY

BHAUT ARMAAN HAI TERI BASTI SE GUZRAIN KABHI
KUCH ADAB KUCH LEHAZ MAGAR RAHAIN ROKTEY RAHEY

TERAY ANCHAL MAY CHUPI HAIN KAYI BAHARAIN
HUM TU JEEVAN KI TERI KHAZAIN ROKTEY RAHEY

YAQEEN AJAYE MERI JAFAOON PE TUJHEY
ISI KHOSHISH MAY JAANAN APNI WAFAYEN ROKTEY RAHEY

JURM TU AISEY THAY KE SOOLI CHAR JATAY QAIS
KAANPTAY LUB KISI KE MAGAR SAZAIN ROKTEY RAHEY

Ajnabi kehta hai ashna jo tha bhaut

Ajnabi kehta hai ashna jo tha bhaut
meri har baat ka razdaan tha bhaut

Yunhi aik roz roo padey dekh kar chehra uska
muskrahaton pe apni guroor jisey tha bhaut

Mai usay sunwar tu deta kisi suljhan ki tarah
meray hath pe magar muhabat ka lahoo tha bhaut

Mehaktey houay ghulaab sa hai wo
per khushboon se gurezaan mai tha bhout

Usay shikwa hai meri jafaoon ka
magan mai muhabaton may tha bhaut

Nazar churaie thi jis pal tum ne jaanan
mai moutabr teri nigahoon may tha bhaut

Chaolo soo jain oorh kar mati ki chadar
ke teri duniyea may bewoqaut mai tha bhaut

ujri hoi bastiyun ka ghum kia karna

ujri hoi bastiyun ka ghum kia karna
khoon hoti dastanoon ka ghum kia karna

kabhi khilte thay gulistaan may laala-o-gul
ab khaak udaati hawaon ka ghum kia karna

tum tu khafa ho gaye anjaani si khata pe
ab guzray houay lamhon ka ghum kia karna

tumhari muskarahat ka tilasm aaj bhi hai qaim
apni pur num palkoon ka ghum kia karna

tofaan may ghir kar dor se pukara unko
nameharbaan thi hawa unsuni sadaoon ka ghum kia karna

tum thay chahaon ki manind kadi dhoop may
baad firaq ab jaltay paoon ka ghum kia karna

dartay thay kahan jayen ge us ke qadmon se uth kar
ab shikayat kaisi ab sehraon ka ghum kia karna

Chehray hamarey udass rehtay hain

Chehray hamarey udass rehtay hain
Khawab hamarey udass rehtay hain

Libas-e-lafz atta kiye thay jinko
Ashaar hamarey udass rehtay hain

Jahaan-e-nou ki justujo kia karain
Insiraam sarey udass rehtay hain

Pal bhr jo hans letay hain ahl-e-dard
Barson sarey udass rehtay hain

Shajar be-libas kar diye tum ne
Saye becharey udass rehtay hain

Lafz gum ho jate hain youn aksar jannan

Lafz gum ho jate hain youn aksar jannan
jaise sagar me chah jaye sakoot achanak
jaise mouj-e-rawan tham jaye yakdum
jaise koi chup ho jaye kuch kehte kehte

Lafz tu lafz hain jane baharan
teray hon ya meray
chalo aj in munjamid jazbon ko kkuch lafz ata karain
lafz aise jo pighla dain undekhi zanjeron ko
aur
giran dain har dewar
chalo ab k jannan kuch aisa karain
ke
ye lafz gum hi na houa karain
chalo apne ehad-o-pemaan ko
ye lafz ata karain

Muhabtoon ka ab naam na lo dar lagta hai

Muhabtoon ka ab naam na lo dar lagta hai
aalam-e-ishq ki shokhiyun se dar lagta hai

Uski zulf-e-meharban se juda jo houay
din ke roshan ujaloon se dar lagta hai

Firaaq-e-sanam may ashkoon se ishq kar bethay
muskurate neenon se ab hamain dar lagta hai

ankh se ankh mila kar kalaam kiyea karo
jukhi jukhi si palkon se jaanan dar lagta hai

ghum apne tamam soonp do mujhe
apni khushiyun se tu hamain dar lagta hai

kia khouf tumhey meri veraniyun ka
mujhe tu basti se teri dar lagta hai

Wo aatish-e-hijr ka shikwa karte hain
humain tu khiyal-e-vasl se dar lagta hai

raat teri yaad ki ridaa oorh kar soo rahey thay

raat teri yaad ki ridaa oorh kar soo rahey thay
goyea kay sukoon-e-dil koh kar soo rahey thay

gaye dinoon kay azaab hotey lamhay
ajab andaz se dil ke taar choo rahey thay

behtay aansu meray tuloo-e-sehar talak
nakardah jurm-e-wafa ke daagh dhoo rahey thay

waqt-e-judaie bheegi palkoon taley wo muskayea tha
uss husn-e-adda pe sung meray taare bhi roo rahey thay

jaan-e-jaanan tujhe kia khabar baad teray
slug slug kar misl-e-koyela rakh hoo rahey thay

yaad ata hai dard ka aik aik lamha

yaad ata hai dard ka aik aik lamha
koi muskraie tu ashk ankh se utar ata hai

waqt-e-judaie uski ankh bhi pur num thi
saat pardon may jazbaat chupana usay ata hai

khud pather ki moorat banna betha raha sadaa
moom ki mannind mujhe pighlana usay ata hai

phelay taamer may raha wo meri lamha lamha
phir muskara kar mitana bhi usay ata hai

nighaoon se kaie baar sawal karta per
khud se jawab sooch leena khoob usay ata hai

palkoon pe betha kar pojte rehna
nazroon se giraana bhi usay ata hai

mai samjha jeet gayea piyar uska
maat dena khoob usay ata hai

baat karna tu sanbhal kar karna
dil tornay ka har tareeq usay ata hai

Kal raat chair gayi zikar jo wafaon ka

Kal raat chair gayi zikar jo wafaon ka
wo yaad aaya jo paiker tha jafaon ka

usay zoum tha mujhe mitane ka
kuch shouq-e-safar tha humain sehraon ka

hum ne jalna pasand kiyea dhoop me
wo shedaie tha ghane chahaoon ka

Hum griftar rahe uske sehar me
wo punchi raha azad fizaon ka

Usay aitabar tha zamane bhar pe
mai raha mujrim uski nigahon ka

Aik bar pocha tu hota sabab khataon ka
main tu muntizar hi raha uski sadaon ka

Bus ajnabi kar gayea aik pal mein
jo maan tha meri annaon ka

Chahaton ke alm hum ne dekhe hain

Chahaton ke alm hum ne dekhe hain
Qismaton ke sitm hum ne dekhe hain

Mafhom-e-dastan badl jatey hain
Lafzon ke jurm hum ne dekhe hain

Aashiyan jala kar muskaratey hain
Doston ke karam hum ne dekhe hain

Aye ujalo kiyun itna hanste ho
Andehron ke ghum hum ne dekhe hain

Chala tu uss nagar mai jaon
Raston ke khum hum ne dekhe hain

Kal raat yunhi Nikal gaya tha

Kal raat yunhi

Nikal gaya tha

Raaston ki bhol bhuliyan may

Ulajh gaya tha bisat-e-waqt ki

uljhanon may

ukta gaya tha mer mann

mehfilon may

isi liye nadaan mujhe le aya

veeraniyun may

had-e-nigah tak they fasle hi fasle

dor talak phelay they dhund lakey

ye fasle ye dhund lakey

sub chunida rahain

hain meri apni

mai kaise na chunta

ye zehmatain

ke adohri reh gayen hain

meri chahatain

Shab-e-zulmat ka andehra

barh raha hai

Talash-e-masieha ka

shour uth raha hai

Khalqat-e-khudawand may

toofan-e-karb-o-balla hai

aye Rab-e-Muhammad* ye kaisa

shour-e-mehasher teray koocha may

macha hai

khair-ul-ummat jisey Quran ne

pukara hai

wo aaj kiyun dunya may

be-sahara hai

aye Rab-e-kainat

kashti-e-islam ko aap bacha

ke iske nakhuda bhi doob gaye hain

aur

patwaar bhi toot gaye hain

sun le hum gunahgar ummat ki

fariyad aye moula

ke tujh ko phir zakhmi rooh se pukara hai

Sub kitabain jhotti niklien dastan-e-wafa ki

Sub kitabain jhotti niklien dastan-e-wafa ki
Sub ghazlain be-maani niklien unwaan-e-wafa ki

Kaisa iztirab machal raha hai kisi kahna-e-dil mein
Ye kis ka piyam layi hain hawain ehad-e-wafa ki

Kahan se milta hai sira barson ki uljhanon ka
Shayed key kuch karishma kar jayen zulfain ba-wafa ki

Chalo zameen ki wusaaton may talash kartey hain
Koi tu basti hogi jahan mil jayen soortain ahl-e-wafa ki

Hum tu roz dil key dasht may ghulab chunna kartey hain
Hum ne dekh rakhain hain sub kiramatain dard-e-wafa ki

suna hai teray shaher may nazool-e-wafa ka mousam

suna hai teray shaher may nazool-e-wafa ka mousam
muhabat ka sawan aur rang-o-noor ka aalam hota hai

suna hai wahan diloon ka milan hota hai
rohoon ka visal aur hijar ka inkar hota hai

wahan zulf bikhray tu raat ka aalam
jo simtay tu savera hota hai

suna hai ashk jab koi bahaiy tu
wahan sawan ka mousam hota hai

taara jab bhi tootay kaheen asmaan may
nazuk hatoon may kushkool-e-dua hota hai

suna hai wahan kalaam karti hain muabtain
nafratoon ka qatal-e-aam hota hai

suna hai wo bhi makeen hai teri basti ka
jo sadiyun se rooh-e-jaan hamari hota hai

usko salam-e-muhabat kehna
jiski ankh may ashk meray naam ka hota hai

wo bhi sahiyad mehsoos karta ho
dard jo firaaq may yahan hota hai

uski muskaan ka bhi aalm kuch biyaan ho
kia ab bhi usay dekh kar chandni ka guman hota hai

suna hai ab bhi wo nazar jhuka kar milta hai
kaheen ankh may uski piyar ka rang hota hai

chalo us basti ki janib chaltey hain
jahan rang-e-qos-qazah, aur raqs ishq may hota hai

Aye Roop Nagar Ki Shehzaadi

Aye Roop Nagar Ki Shehzaadi,
Thodi Si Inayat Ho Jaye,

Ek Roz Agar Tum Chupke Se,
Meri Aankhon Ko Sairaab Karo,

Bechain Mera Dil Rehta Hai,
Kuch Aur Ise Betaab Karo,

Is Talkh Haqeeqat Sehra Ko,
Ek Meetha Sundar Khwab Karo,

Ek Roz Meherbaan Ho Jao,
Mere Dilke Nigehbaan Ho Jao,

Is Tapti Dhoop Ki Sakhti Mein,
Ek Shaam Ki Chhanv Mil Jaye,

Murjha Se Gaye Hai Din Mere,
Ek Shaam To Meri Khil Jaye,

Aur Shayad Mere Honthon Se,
Har Zakhm Tera Bhi Sil Jaye,

Hum Qais Nahi Farhad Nahi,
Par Phir Bhi Kahin Aabad Nahi,

Shayad Ye Karishma Ho Jaye,
Tumhe Humse Mohabbat Ho Jaye,

Aye Roop Nagar Ki Shehzadi,
Thodi Si Inayat Ho Jaye...!!!!

Chahaton ke alm hum ne dekhe hain

raat teri yaad ki ridaa oorh kar soo rahey thay

Ghairoon Main Hain Jo Shad Unhain Eid Mubarak

Ghairoon Main Hain Jo Shad Unhain Eid Mubarak
Jinko Nahi Hum Yaad, Unhain Eid Mubarak
Masoom Se Armanoon Ki Masoom See Duniya
Jo Ker Gaye humein Barbad, Unhain Eid Mubarak

Kya umeed karain hum unse jin ko wafa maloom nahi

Kya umeed karain hum unse jin ko wafa maloom nahi
Gham deina maloom hai lekin gham ki dawa maloom nahi

Jin ki gali main umr gan'waa di, jeevan bhar hairaan rahe
Pass bhi akay pass na aye, jaan kay bhi anjaan rahe

Kon si akhir ki thi humne, aisi khataa maloom nahi
Ay mere pagal armaano' jhoothey badhan tor bhi do

Ay meri zakhmii umeedo, Dil ka daaman chorr bhi do
Tumko abhi iss nagri main jeeney ki saza maloom nahi.......