My Sweet Poetry: 12/02/11

Dost milte hain yahaan dil ko dukhaane ke liye

Ungliiyaan rakhte hain wo ham pe uthaane ke liye

Kiyaa qusoor un kaa ye ik rasm chalii aaii hai

Tohamatain hotii hain duniyaa main lagaane ke liye

Naa-Khudaa maan ke baithe hain jin kii kashtii main

Wo hamain maujon main laaye the Dubaane ke liye

Wo hawaaon kii tarah rukh ko badal lete hain

Ham nasiibon se larre the jinhain paane ke liye

٠•●♥ My Sweet Poetry ♥●•٠

ajeeb lo`g haiN kyaa khuub munsifii kee hai

hamaare qatl ko kehte haiN khud-kushii kee hai

ye baaNkpan thaa hamaaraa ke zulm per hamne

bajaaye naalaa-o-faryaad shaairii kee hai

hamaari qadr karo chauNdaviiN ke chaaNd haiN ham

Khud apne DaaG dikhaane ko raushnii kee hai

udaasiyoN ko Hafeez aap apne ghar rakhkheN

ke anjuman ko zaruurat shaguftagii kee hai

٠•●♥ My Sweet Poetry ♥●•٠

Milna itifaak tha bicharna naseeb tha

wo utna he door ho gaya jitna kareeb tha

hum usko dekhne k liye taraste he rahe

jis shaks ki hatheli pe hamara naseeb tha.

Tere paas aane ko jee chahta hai

Naye zakhm khaanay ko jee chahta hai

Ider aaye shayed woh moj-e-tarannum

Ghazal gungunane ko jee chahta hai

Zamana mera aazmaya hua hai

Tujhe aazmane ko jee chahta hai

Wohi baat reh reh k yaad aa rahi hai

Jise bhool jane ko jee chahta hai

Laboun per mere khelta hai tabassum

Jab aansoo bahane ko jee chahta hai

Kayi martuba dil pe bijli giri hai

Magar muskurane ko jee chahta hai

Rukh-e-zindagi se nikab ulat ker

Hakeekat dikhane ko jee chahta ha

٠•●♥ My Sweet Poetry ♥●•٠

Hum bht dur nikal aaye hain chaltay chaltay

Ab thehr jayen kahin sham k dhaltay dhaltay

Meray andar ka andheron ki ya chhoti si chubhan

Gehray Zakhmon mein hi dhal jaye gi paltay paltay

Garm sehra mein kahan dhundun tujhay jan-e-jahan

HO chalay paon bhi aadi yahan jaltay jaltay

Raat K bad sehar hogi magar kis k liye

Hum bhi shayed na rahain raat k dhaltay dhaltay.....

٠•●♥ My Sweet Poetry ♥●•٠

kitni mushkil se kati kal ki meri raat na pooch

dil se nikli hui honton me dabi baat na pooch

wo kis adaa se merey saamnay guzraa hai abhi

kis tarha mainay sambhaley merey jazbaat na pooch

waqat jo badley to insaan badal jaatey hain

kya nahi dikhlaatey yeh gardish-e-halaat na pooch

kisi ka ho wo gaya or mujhey khabar na hui

kuch iss tarah se chhuraya hai mera haath na pooch

nahi hai pyar tera ai sanam to kuch bhi nahi

bana'ii thii barhi mushkil se kayenaat na pooch

٠•●♥ My Sweet Poetry ♥●•٠

sabhi kuch hai tera diya hua sabhi raahatein sabhi kalafatein

kabhi sohbatein kabhi furqatein kabhi duuriyaauN kabhi qurbatein

ye suKhan jo ham ne raqam kiye ye hain sab varaq teri yaad ke

koi lamhaa subah-e-visaal kaa, kai shaam-e-hijr ki qurbatein

jo tumhaari maan lein naasihaa to rahegaa daaman-e-dil mein kya

na kisi uduu ki adaavatein na kisi sanam ki muravvatein

chalo aao tum ko dikhaayeiN ham jo bachaa hai maqtal -e-shahar mein

ye mazaar ahal-e-safaa ke hain ye hain ahal-e-sidq ki turbatein

meri jaan aaj kaa Gham na kar ke naa jaane kaatib-e-vaqt ne

kisi apane kal mein bhi bhuul kar kahin likh rakhi ho masarratein

٠•●♥ My Sweet Poetry ♥●•٠

Dost jaisi kabhi dushman kee tarah lagti hai

Zindagi bhee kisi uljhan kee tarah lagti hai

Tairai aankhooN main udassi hai mairay ghar kee tarah

Tairi haalat mairay aangan kee tarah lagti hai

Aik lamhay main mairay mann ko bhego daiti hai

Uss ke her baat hee Sawan kee tarah lagti hai

Tu bhee chahat ke taqazoon se nahin waqif hai

Tairi Uljhan Mairi Uljhan Kee Tarah Lagti Hai

٠•●♥ My Sweet Poetry ♥●•٠

Kitney mousam sargardaan they mujh sey hath milaney main

Main ney shayed dair kar di khood sey bahar aaney main

Ik nighah ka san�nata hai ik aawaz ka banjar pan

main kitna tanha betha hoon qurbat kai veeraney main

bistar sey karwat ka rishta toot gaya ik yaad kai sath

khwab sarhaney sey uth betha takiye ko sarkaney main

aaj uss phool ki khooshboo mujh main paiham shour machati hai

jis ney be had ujlat barti khilney aur mujrjhaney main

baat bananey wali ratein rang nikharney waley din

kin rastoun par chor aaya main umr ka sath nibhaney main

aik malal ki gard sametey main ney khood ko paar kia

kaisey kaisey wasl guzarey hijr ka zakhm chhupaney main

jitney dukh they jitni umeedein,sab sey brabar kaam lia

main ney apney ainda ki ik tasweer bananey main

aik wazahat kai lamhey main mujh par ye aehwaal khula

kitni mushkil paish aati hai apna haal bataney main

pehley dil ko aas dila kar beparwah ho jata tha

ab tou Azm bikhar jata hoon main khood ko behlaney main

٠•●♥ My Sweet Poetry ♥●•٠

Teri rehmatoun kai dayar main,terey badloun ko pata nahi

Abhi aag sard hui nahin,abhi ik alaao bujha nahin

Meri bazm-e-dil tou ujar chuki,mera farsh-e-jaan tou simat chukka

Sabhi ja chukey merey hamnasheen,magar aik shkhas gaya nahin

Darr-o-baam sab ney saja liye,sabhi roushni main naha liye

Meri ungliyan bhi jhulas gayein,magar ik charag jala nahin

Gam-e-zindagi teri raah main,shabe-aarzoo teri chaah main

Jo ujar gaya who basa nahin ,jo bichar gaya who mila nahin

Jo dil-o-nazar ka saroor tha,merey pass reh kai bhi door tha

Wohi ik gulab umeed ka,meri shakh-e-jaan pai khila nahin

٠•●♥ My Sweet Poetry ♥●•٠

sulagtey labon pey giraa aur paanii

barii tishnigii hai pilaa aur paanii

sunaa jab wahaa'n pyaas bujhtii hai sab kii

samandar kiii jaanib gaya aur paanii

chaleingey to taazaa raheingey hameshaa

hawaa, khoon, samaa, raastaa aur paanii

tahey Khaak e sehraa milii aur khushkii

samandar kii teh sey milaa aur paanii

sunaa hai k shehro'n mein biktey hain aksar

lahoo, jism, insaan, wafaa aur paanii

samandar nadii piii gaya aur bolaa

zaraa aur paani, zaraa aur paanii

Feroz us ney poochaa k kyun aankh nam hai

merii aankh mein bhar gaya aur paanii

٠•●♥ My Sweet Poetry ♥●•٠

O be-wafaa aa sun zara meri rooh pe guzreeN jo qayamateiN

mera dil dukha to bohat magar merey lab pe ab bhi gilaa nahi

teraa bas naa tha to kiuN mujhey naey mosmoN ki naveed di

tu mujhey peshgi meiN jo de gaya wo phool ab tak khilla nahi

thi jin mosmoN meiN teri wapsi meiN ab bhi hooN unka muntazir

par wo fasl-e-gul kahaaN reh gai mujhey ab to kuch bhi pataa nahi

tera raaz jo mujh pe na khul sakaa mujhey doosroN sey pata chala

terey ehd-o-pemaaN sey bharey huwey kisi bhi lafz meiN wafa nahi

terey dostoN meiN tera bharm rahey yehi soch kar meiN chup raha

jo nigaah meiN tha wo chupa liya jo dil meiN tha wo kahaa nahi

٠•●♥ My Sweet Poetry ♥●•٠

Safar mein dhoondha rehguzar mein dhoondhaa

Har gali modh kuchaa har shajar mein dhoondhaa

PattoN mein dhoondhaa chanaroN mein dhoondhaa

Lehron mein dhoondhaa kanaroN mein dhoondhaa

MausamoN ki chanchal hawaaoN mein dhoondhaa

Nasheman aur chaman mein fazaaoN mein dhoondhaa

RutoN mein ButoN mein girijaoN mein dhoondhaa

Parastish mein dhoondhaa duwaaoN mein dhoondhaa

Muqammal musalsal aabadiyoN mein dhoondhaa

NazaroN SitaroN haseeN vaadiyoN mein dhoondhaa

Kya dhadkan mein dhoondaa kya saansoN mein dhoondaa

Kya tasawwur mein dhoodaa kya khayaloN mein dhoondaa

٠•●♥ My Sweet Poetry ♥●•٠

kisi sheR maiN na uter sakaY teRay rang teRi saba'hataiN

kisi haRf maiN be na dhal sakaiN teRi khwab khwab refa'qtaiN

mujhaY yuN be zu'am sakhuN na tha k ye meRa shewa fun na tha

teRay roO'barOo rahin surkhro meRay aa'jaz fun ki nidaa'mtaiN

koi aisa phool k khil sakaY meRi aa'rzoo k day'yaaR maiN

koi aisa khawab k day sakaY mujhay subha noO ki bashartaiN

ye talsim-e-deed ka rang hia k ja'nooN ka koi taRang hai

ye qadam qadam teRi aa'hataiN ye nazaR nazaR teRi surataiN

meray rooz-o-shab ki na pooch tu teRay baad aiey gham aa'rzoo

na ragooN maiN daRd ki hidataiN na shidataiN na wo raa'hataiN

ye nahi k sirf mujhi pe haiN meRay paish Ro be bhughat chukaY

meRay shehaR teRi nawazishaiN meRi jaaN ! teRi anaa'yataiN

٠•●♥ My Sweet Poetry ♥●•٠

Raaz-e-ulfat chhupa kay dekh liya

Dil buhot kuch jalaa kay dekh liya

Woh meray ho kay bhee meray na hooay

Un ko apna bana kay dekh liya,,

Aur kiya dekhnay ko baaqi hai

Aap say dil laga kay dekh liya,...

'Faiz', takmeel-e-gham bhee ho na sake

Ishq ko aazma kay dekh liya,......

٠•●♥ My Sweet Poetry ♥●•٠

sar-e-raah kuch bi kaha nahin, kabhi us ke ghar main gay nahin

ham janam janam say usi kay hain, usay aaj tak ye khabar nahin

usay paak nazron say choomna, bhi ibadton main shumar hay

koi phool lakh qareeb ho, kabi mene usko chuwa nahin

ye khudai den bhi ajeeb he , ke usi ka naam naseeb hay

jise tum ne chaha woh mil gya, jise mene chaha woh mila nahin

isi shehar main kai saal se, mere kuch qareebi aziz hain

unhain meri kuch bhi khabar nahin, mujhe unka koi pata nahin

٠•●♥ My Sweet Poetry ♥●•٠

teRey tabsarey heiN be-khabar meri daastaan-e-hayaat sey

tu keh raha ha dil jisey wo meRi khahishoN ka mazaaR hey

teRa shukriya aey tabeeb-e-jaaN ye khaloos apni jaga magaR

teRi masihaai bhi kya karey meRa dard hi be-shumaaR hey

meRey raastoN meiN jo aa gaya meRey qaafley ko jo kha gaya

wo tufaN to kab ka guzaR gaya paR dil meiN ab tak gubaar hey

aey meharbaaN dost suN meRi mushkiloN ko samajh ke meiN

teri mohabatoN ka kya karooN kisey dil pe ab ikhtiyar hey!

naey mosamoN ko bulao mat ke mujhey khusbuoN ki talab nahi

meri rah rehney do khaar khaar meRey leye to yehi bahaaR hey

jo nafratoN sey jhulas gaya usey dil sey saarey duwaeiN do

par us sitam-zada ka kya kareiN jo mohabatoN ka shikaaR hey!

٠•●♥ My Sweet Poetry ♥●•٠

main bhula chuka shabhee wastay jo the manzelooo ke hasool main

maree manzelooo ke hasool main tareee rah ayeee tu kya kerooo

jo pukarta tha her aik ghare jo jura the dil se laree laree

kio shaks aiesa ager kabhi mujheee bhool gayee tu kya keroon

kabhi sath tha jo ke do badooo tha hamiesha maree he robaroo

jo bhara rha tha qadem maree who he dagmagyee tu kya keroon

who cherag e der jo jala kabhi main bugha chuka hoon mager kabhi

ke bugha huwa bhee diya ager mera gher galaa-e tu kerooon

main ne aks tak tu mata dayee sahbhee aienyee bhee chupa dayee

tujheee dheekta koi door se mare pass ayeee tu kya keroon

٠•●♥ My Sweet Poetry ♥●•٠

KABHI HUM BHEEGTEY HEIN CHAHTON KI TAIZE BARISH MEIN

KABHI BERSON NAHIN MILTEY KISSI HALKI SI RANJISH MEIN

TUMHI MEIN DEEWTAOWN KI KOI KHO BO NA THI WARNA

KAMI KOI NAHIN THI MEREY ANDAZ-E-PARASTISH MEIN

YEH PEHLAY SOOCH LO PHIR OR BHI TANHA NA HO JANA

USEY CHONEY KI KWAHISH MEIN USEY PANEY KI KOOSHISH MEIN

BOHOT SAY ZAKHM HEIN DIL MEIN MAGAR EIK ZAKHM AISA HAI

JO JAL UTHTA HAI RATON MEIN JO LOO DAITA HAI BARISH MEIN

٠•●♥ My Sweet Poetry ♥●•٠

sekhawat ka namood-afrooz manzar he nahi aa'ya

saa'khi bethay rahay koi guda'ghar he nahi aa'ya

ye soocha tha teri khaa'tir koi moti niqalooN gha

maiN jis rastey maiN tha is maiN samandar he nahi aa'ya

pahaN kar aa'eenay phirti rehi dewanghi apni

tamana thei bohat jis ki wo pather he nahi aa'ya

bharhiN bailaiN jharay paa'tey lagay jaalay dareechoN per

makeeN ay'saa gaya ghar se palat kar he nahi aa'ya

chamak jis ki bula laiti uqaa'booN ko nashay'mun se

fizaa'ooN maiN koi aisa kabooter he nahi aa'ya

dafenooN ki tarha dil maiN khizanay rah gaye saa'ray

samandar kai karay koi shana'war he nahi aa'ya

dee'ya he jab nahi ho gha hawa kis ko bhuja'ey ghi

chiraag-e-rah maiN ab k jala k he nahi aa'ya

٠•●♥ My Sweet Poetry ♥●•٠

iqra ar.e.vafaa, ummeed.e.karam! kuChh keh na sake, kuChh bhool gaye!

vade voh tire mubham, mubham! kuChh keh na sake, kuChh bhool gaye!

sar.shaaree.e.ulfat kaa aalam! kuChh keh na sake, kuChh bhool gaye

jazbaat kee voh dheemee sargam kuChh keh na sake kuChh bhool gaye!

aalaam kee voh yoorish peham! kuChh keh na sake, kuChh bhool gaye!

Doobee huee nabzoN kaa aalam, kuChh keh na sake kuChh bhool gaye!

yaadoN kee Khalish voh shaam.o.saHar, maayoos se voh deevaar.o.dar

iHsaas kee lau maddham maddham! kuChh keh na sake kuChh bhool gaye!

kyaa vehm.o.gumaaN, kyaa ilm.o.yaqeeN, kyaa fikr.o.Gham.e.duniya a.o.deeN

hastee ke voh saare pech.o.Kham, kuChh keh na sake, kuChh bhool gaye!

voh sher.e.mujassam jaane.e.suKhan, her saaNs meiN yooN hai naGhma.zan

afsaana.e.Gham, roodaad.e.alam, kuChh keh na sake, kuChh bhool gaye!

kab daur.e.KhazaaN aayaa aur kab ruKhsat voh gul.e.ranaaee huaa

meHroomee.e.jaaN, majbooree.e.Gham! kuChh keh na sake, kuChh bhool gaye

dil aise puraane paapee ko kyaa kaam hai deen.o.eemaaN se?

voh saaz.e.kaleesa, soz.e.Haram, kuChh keh na sake kuChh bhool gaye!

hastee ke fasaane Khwaab hue, daryaa.e.junooN paayaab hue

aaNsoo aksar, haNsnaa kam kam! kuChh keh na sake kuChh bhool gaye!

unvaan yehee Thehre Sarwar afsaana.e.hastee ke tere

yaa qalb.e.HazeeN yaa deeda.e.nam, kuChh keh na sake, kuChh bhool gaye!

٠•●♥ My Sweet Poetry ♥●•٠

Yadoon ka Aik Jhoka Aya Hum Say Milnay Barsoo Baad

Pehlay Itna Rooiay Nahi Thay Jitna Rooiay Barsoo Baad

Lamha Lamha Dil Ujra Hai Muskil Say Yeh Ehsas Hoa

Pathar Aiay Barsoon Pehlay Shishay Tootay Barsoon Baad

Bhool Jaon Kis Nay Tora, Kaisay Tora, Kyon Tora

Dhoodh Rahay Hoo Galiyoon Main Dil Kay Tokray Barsoon Baad

Dastak Ki Umeed Lagaiay Kab Taak Akhir Jeetay Hum

Kal Ka Wada Karnay Walay Milnay Aaiay Barsoon Baad..

Yadoon ka Aik Jhoka Aya Hum Say Milnay Barsoo Baad

Pehlay Itna Rooiay Nahi Thay Jitna Rooiay Barsoo Baad

٠•●♥ My Sweet Poetry ♥●•٠

main jal raha hun dhuup mein' woh maanta nahin

sar par muhabat ki ridaa taanta nahin

Jiss ghar ki eent eent pe likha hai mera naam

iss ghar mein aab koee mujhe pehchantaa nahin

kya chahtaa hun uss se meri aarzoo hai kya

sab kuch woh janta hai magar janta nahin

sulee pe tanktaa hai magar iss adaa ke saath

mujrim bhi pyar ka mujhe gardantaa nahin

hoati hai sab koa ishq mein soadoziyaan ki aas

meri tarah toa khaaq koee chantaa nahin

٠•●♥ My Sweet Poetry ♥●•٠

Kehte hai, kuch log zindagi main aate hai istarah

Kab, kaise jigar jaan dost ban jaate hai kya pata

Par meri viraan zindagi main yeh hota nahi

Ke main ab dost koi banata nahi.

Kuch log mile the mujhe bhi raah-e-zindagi main

Saath chalenge woh mere aisa vaada tha unka

Koi kisi ke liye yaha rukta nahi

Ke main ab dost koi banata nahi.

Har baar mujhe ek chot lagi hai kuch aise

Ke tukde hue hai kai aitbaar ke mere

Bikhare un tukdo ko main samete ta nahi

Ke main ab dost koi banata nahi.

Mere dil ke tukde to har koi le gaya mujhse

Badle main bas ek suna pan degaya har koi

Ke mera dil bhi ab mere paas nahi

Ke main ab dost koi banata nahi.

٠•●♥ My Sweet Poetry ♥●•٠

Tumko Chupa Rakha He In Palko Me,

Par Inko Ye Batana Nhi Aaya,

Sote Hue Bheeg Jati He Palke Meri,

Palkon Ko Ab Tak Dard Chupana Nhi Aaya..

٠•●♥ My Sweet Poetry ♥●•٠

Chalo Ek Nazm Likhtay Hain

Chalo ek nazm likhtay hain

Kisi k naam kartay hain

...Magar yeh sochna hai ab

K us mein zikar kis ka ho

k us mein baat kis ki ho

K us mein zaat kis ki ho

Aur yeh bhi farz kartay hain

K jis pay nazm likhtay hain

Humein us say muhabbat hai

Hamary saray jazbon ko

Bus uski hee zaroorat hai

Chalo ek kaam kartay hain

K hum jo nazm likhtay hain

Tumhary naam kartay hain

Tum hee unwaan ho is ka

Tumhara zikr hai is mein

Tumhari baat hai is mein

Tumhari zaat hai is mein..

Chalo ek nazm likhtay hain

Kisi k naam kartay hain

...Magar yeh sochna hai ab

K us mein zikar kis ka ho

k us mein baat kis ki ho

K us mein zaat kis ki ho

Aur yeh bhi farz kartay hain

K jis pay nazm likhtay hain

Humein us say muhabbat hai

Hamary saray jazbon ko

Bus uski hee zaroorat hai

Chalo ek kaam kartay hain

K hum jo nazm likhtay hain

Tumhary naam kartay hain

Tum hee unwaan ho is ka

Tumhara zikr hai is mein

Tumhari baat hai is mein

Tumhari zaat hai is mein..

٠•●♥ My Sweet Poetry ♥●•٠

aysa kabhi na karna

٠•●♥ My Sweet Poetry ♥●•٠

sard ratoon ki bhegi tanhai,

barasti boond ke choote hi sulagta sa badan,

beti yadoon beete lamhon main sulagta hoa dil,

youn guzre saal ke sare dukh aur saree gham,

akela aik december seh leta hai

٠•●♥ My Sweet Poetry ♥●•٠

Naee hikayat muhabbaton ki Shikayatoon ki

Naee hikayat muhabbaton ki

Shikayatoon ki

Bhujhe bhuje se haroof le kar

Kohar mein doobi seyyahoon ki

Warq warq per utaarna hai

Udaas shamoo ke phool chun kar

Suno December

Ussay pukaaro

Ussay bulaaoo

Suno December ... Ussay mila do

Ab is se pehlay ke saans niklay

Ab is se pehlay ke saal guzray

Wohi lakeerain wohi sitaara

Meri lakeeroon mein qaid kar do

Ya aakhri shab ke aakhri pal

Koi bara ikhtitaam kar do

Yeh zindagi bhi tamaam kar do

Suno December ... Ussay mila do...

٠•●♥ My Sweet Poetry ♥●•٠

DECEMBER LOAT AAYA HAI

AUR SUNG APNEY DARD-O-GHAM SAMAIT LAYA HAI

JAB HAWA MEIN KHUNKI BARH JATI HAI

JANE KYUN?

MEREY DIL KI HALAT ABTER HO JATI HAI

BAY-BAAT BARASTI HEIN AANKHAIN

AUR DIL MEIN KHALISH AA JATI HAI

JAB DARD KI TEESAIN UTHTI HEIN

MEREY DIL KO LAHO KER JATI HEIN

JANE KYUN?

TUB BICHRAY YAAD AANE LAGTEY HEIN

AUR DARD SATANEY LAGTEY HEIN

JANE KYUN AISA HOTA HAI?

JAB BHI DECEMBER AATA HAI

MUJH KO TANHA KER JATA HAI

٠•●♥ My Sweet Poetry ♥●•٠

Khayaal howa hi thaa barf parri dam bhar mein

zindagi eik jatan mein hey khushk-o-tar mein

khoobsoorat hey yeh sardi ya hoon deevana mein

daakhil hooti nahin hey baat doosrey sar mein

shukr khuda kaa sabhi aas paas aag key paas

tujhey bhi chaahta khuda sey hoon dasambar mein

yehi tamaasha jo hey deikhney ko kaafi hey

lagey he eisa ke garmi na deikhhoon lot kar mein.

٠•●♥ My Sweet Poetry ♥●•٠

Raat Uss Na Poocha Thah Tum Ko Kaisi Lagti Hai

Raat Uss Na Poocha Thah

Tum Ko Kaisi Lagti Hai

Chandni December Ki !

Main Nay Kehna Chaha Thah

Saal-O-Maah K Baray Main

Guftagu K Kiya Maani ?

Chahay Koi Manzer Ho

Dasht Ho , Samander Ho

June Ho , December Ho

Dharkano Ka Her Naghma

Manzaro Pay Bhaari Hai

Saath Jab Tumhara Ho

Dil Ko Ek Sahara Ho

Aisa Lagta Hai Jaisay

Ek Nasha Sa Taari Hai

Lakin Uss Ki Qurbat Main

Kuch Nahi Kaha Main Nay

Takti Reh Gayee Mujh Ko

Chandni December Ki !

٠•●♥ My Sweet Poetry ♥●•٠

December .... Ab bhi Tera muntazir Hay .!

December ....

Ab bhi Tera muntazir Hay .!

woh Lamhay............

Soch Ki Dahleez Pay Tehray Hoy hain !

December K mahenay main

Hazaroon Saal Pahlay Jab

Teray Waday K Honatoon Ne

meri Ankhoon Say Behtee Zindagi K Hanth Choomay Thay !

meri Bayrang Batoon K Kinaray

Tum Nay Kwabon K

Sahary or Ashkon K Sitaray Rakh Diye Thay !

aur .......

Hawa Ko apni Chahat Ki

Hifazat Kaa Ishara Kar Diya Thaa !

Hawa Ki Khunkiyon main ab Bhi Teri naram batain

aahatoon Kaa Jaal Buntee Hian !

Sama'at ....ab Bhee Teray

Qahqahon Kaa Shoor Sunti Hay !

Khayal ab Tak Tumhari Ungliyon Say

meray Dil K Surkh Ansoo Pochta Hay!

Nigahain Baraf K Phelay

chamaktay Kenwas Par Jaa-Bajaa

Teri Rifaqat Ki Zarorat Paint Karti Hay !

Tehtartay Paniyon K Tan Pay Bikhri Dhoop

Tera Bagair rooti Hay

Kahan Hota Hay Too.......

Muhabat Ki Sulagtei rahguzar K Kinaray Pay

December ....

ab Bhe Tera muntazir Hay !!

٠•●♥ My Sweet Poetry ♥●•٠

Suno december...! Ussay pukaro, ussay bula do

Suno december...!

Ussay pukaro, ussay bula do

Ussay mila do!

Ab is se pehle ke saans niklay

Ab is se pehle ke saal guzray

Wohi lakeerain, wohi sitaaray

Meri lakiron main qaid kar do

Ya aakhri shab ke aakhri pall

Koi bara ikhtitam kar do

Yeh zindagi bhi tamam kar do

Suno december ussay mila do!!

٠•●♥ My Sweet Poetry ♥●•٠

her saal jaunary humain kuch sapnay dikhati hai

her saal jaunary

humain kuch sapnay dikhati hai

jis ko poora kernay main

december aa pohanchta hai

zindagi aur akheer bi mano

umer kay january aur december hain

zindagi ki january bi jo khwab dikhati hai

admi umer ber un ko poora kerta rehta hai

aur umer ka december aan pohanchta hai

aur saal ki terha

saans bi khutum ho jati hai

٠•●♥ My Sweet Poetry ♥●•٠

December Jab bhi ata hai

wo pagli...

phir se beety mosumo'n ki

talkhion ko

yad karti ha

purana card perhti hai

k jis main os ne

likha tha

Main Lauton ga December main

Nai Kapry bnati hai

wo sara ghar sjati hai

December k her ik din ko

wo gin gin ker bit'tati hai

junhi 15 guzarti hai

wo kuch kuch toot jati hai

magar phir bi

purani albumo'n ko khol ker

mazi bulati hai !!!

nahi maloom ye osko

k beety waqt ki khushian

Bohat takleef deti hain

mehaz dil ko jalati hain...

yunhi din beet jaty hain

December laut jata hai

magar wo Khush feham larki...

dobara se calendar main

December k maheeny k safhy ko

mord ker, phir se

Phir se

December ke sahar main

Doob jati hai

k akhir os ne likha tha....

Main Lauton ga December main

٠•●♥ My Sweet Poetry ♥●•٠

December K Hasee'n Din Thaay

Murree Ki Yukh-Basta Fizaou'n Main

Hamaray Char Haathou'n Nay

Mujasma Ek Banaya Tha

Kaha Tha Aik Dojay Ko

Nishaani Piyaar Ki Apni

Berhi Khoobsoorat Hai

Mujhey Ab Yaad Aata Hai

Mujasma Beraf Ka Tha Wo

Ossay Akhir Pighalna Tha

Ossay Tou Mitt He Jaana Tha

٠•●♥ My Sweet Poetry ♥●•٠

Abhi hijr ka qayaam hai aur December aan pahuncha hai

Ye khabr shahar mein aam hai December aan pahuncha hai

Aangan mein utar aayi hai manoos si khushboo

Yadon ka azdahaam hai December aan pahuncha hai

Khamoshiyon ka raaj hai khizaan taak mein hai

Udasi bhi bahot aam hai December aan pahuncha hai

Tere aanay ki ummid bhi ho chuki maadoom

Naye saal ka ahtamaam hai December aan pahuncha hai

Khunak rut mein udasi bhi chaukhat pe khadi ahi

Jaday ki udaas shaam hai December aan pahuncha hai

Tum Aao tou mere mausamon ki bhi takmeel ho jaye

Nayi rut tou sar e baam hai December aan pahuncha hai

٠•●♥ My Sweet Poetry ♥●•٠

December aa ker guzer jaye gaa

Ik pair kay na jaaney kitnay pattey giraa jaaey gaa

December aa ker guzar jaye gaa

Chiriyaa'n chehkein gee yakh-basta raato'n may

Aur pairo'n pey aa ker yeh gumsum rahein gee

Na koi hari shaakh ho gee

Na koi patta ho gaa

December aa ker guzar jaye gaa

Kitney parindey be-ghar ho jaain gey

Jalaa dey gee unn ko december ki thandi hawa

Na jaaney kitney khwaab bin taabeer dhal jaain gey

December aa ker guzar jaye gaa

Ik pair kay na jaaney kitney pattey giraa jaye gaa

٠•●♥ My Sweet Poetry ♥●•٠

December ab kay aao to

Tum uss shehr-e-tamanna ki khabar laana

Kay jis may jugnoo'n ki kehkashaain jhilmilaati hain

Jahan titlee kay rangoo'n sey fazaain muskuraati hain

Wahan chaaro'n taraf khushboo wafa ki hai

Aur uss ko jo bhi pouron sey

Nazar sey chhoo gaya pal bhar

Mehek uthaa

December ab kay aao to

Tum uss shehr-e-tamanna ki khabar laana

Jahan per rait kay zarey sitaarey hain

Gul-o-bulbul, maah-o-anjum wafa kay istiaarey hain

Jahan dil woo samander hai , jiss kay kaee kinaarey hain

Jahan qismat ki daive muthiyon mein jagmagaati hai

Jahan dhakan ki lay per bey-khudi nagmein sunaati hai

December hum sey na poocho hamaarey sheher ki baabat

Yahan aankhoun mein guzrey kaarwaan ki gard thehri hai

Labo'n per al-atsh hain, batan mein faaqey pinaptey hein

Muhabbat barff jaisee hai yahaan

Aur dhoop kay khaitoun mein ugti hai

Yahan jab subah aati hai

Tou shab kay saarey sapney

Raakh kay aik dhair ki soorat mein dhaltey hein

Yahan jazboun ki tooti kirchiyaan aankhoon mein chupbhti hain

Yahan dil kay lahoo mein

Apne Laikh'on ko dabo ker ham

Sunehray khwaab buntey hein

Phir unn khwaaboun mein jeetay hein

Inhi khwaaboun pey martey hein

Dareedah rooh koo lafzoon sey seena goo nahin mumkin

Magar phir bhi

December Ab KaY AaOoO Tu

Tum uss shehr-e-tamanna ki khabar laana.....!!!

٠•●♥ My Sweet Poetry ♥●•٠

Saal kaa Aakhri Din Hai

Abhi Kuch Dhoop Hai Leikin

Zara See Dair ko Tay Hai Kay Akhir Shaam Hona Hai

Haqiqat Ya Kahani Jo Bhee Hai Anjam Hona Hai

Chaloo Mil Baith Kay Apnay Khasaray Bant Letay Hain

Sab He Rang Aur jugnoo Aur Sitaray Bant Letay Hain

Zara See Dair Ko Tay Hai key Akhir Shaam Hona Hai

Haqiqat Ya Kahani Jo Bhee Hai Anjam Hona Hai

Too kyon Naa Kuch Shaam Say Pehlay

Jo Kuch Ghariyan Muyasir Hain

Unhee Mein Zindagi Kar Lain,

Kisi Ahsaas Kee Shama Jala Kar

Inn Andheron Main

Koyee Daam Roshi Kar Lain

Chaloo Hum Dosti Kar Lain

Zara See Dair ko Tay Hai Kay Akhir Shaam Hona Hai

Haqiqat Ya Kahani Jo Bhee Hai Anjam Hona Hai

٠•●♥ My Sweet Poetry ♥●•٠

Karoon na yaad magar kis tarah bhulaon usey

Ghazal baha na karoon aur gungunaon usey

Magar woh zood faramosh zood ranj bhi hey

Keh rooth jaye agar kuch yaad dilaon usey

Jo hamsafar sar-e-manzil bichar raha hey Faraz

Ajab nahin hey agar yaad bhi na aaon usey

٠•●♥ My Sweet Poetry ♥●•٠

Chalo tum sath mat dena…

Mujhy beshak bhula dena…

Naye sapne saja lena…

Naye rishte bana lena…

Bhula dena sabhi waday

Sabhi qasmen sabhi Naty…

Tmhen jana! ijazt hay…

Jo dil chahe wo sab karna..

Magar ab tum kisi se bhi..!

Adhora Pyar Mat Karna

٠•●♥ My Sweet Poetry ♥●•٠

Best friends stick together till the end,

They are like a straight line that will not bend.

They trust each other forever,

No matter if your apart you are together.

They can be your hero and save the day,

They will never leave your side they are here to stay.

They help you up when you fall,

Your true friends are best of all.

٠•●♥ My Sweet Poetry ♥●•٠

Ajeeb Ladka Hoon Khud Ko Jalaana Chahta Hoon,

Main Khud Ko Rakh Kar Kahi Bhool Jana Chahta Hoon,

Mere Naseeb Ki Khushiya Bhi Kab Mili Mujhko,

Bas Ab To Umar Bhar Aansoo Bahana Chahta Hoon,

Najaane Kitni Mohabbat Hai Ghum Se Mujhe,

Koi Bhi Dard Ho Dil Mein Chhupana Chahta Hoon,

Baha Baha Ke Ye Aasnoo Bikhar Chuka Hoon Bahut,

Simat Kar Apne Aap Mein Ab Muskurana Chahta Hoon,

Jise Ek Umar Dil Mein Chhupa Ke Rakha Hai,

Wo Raaz Aaj Main Sabko Batana Chahtaa Hoon,

Wahi Hai Yaad Jo Achcha Kaha Hai Logo Ne,

Baki Saare Sitam Bhool Jana Chahta Hoon,

Mujhe Zamane Ne Pathar Samjh Liya Hai Magar,

Main Ek Ladka Hoon Sabko Batana Chahta Hoon,

Jo Mujhse Rooth Chuki Hai Zamane Ki Khushiyaa,

To Main Bhi Un Khushiyo Se Rooth Jaana Chahta Hoon,

Koi To Ho Jo Lagaye Mujhe Seene Se,

Kisi Ko Main Bhi Apne Gum Sunana Chahta Hoon,

Tu Apne Dil Ke Har Ek Dar Ko Khol De,

Main Dard Bankar Tere Dil Mein Aana Chahta Hoon..!!!

٠•●♥ My Sweet Poetry ♥●•٠

‎"Tu" Lafzon" Ki Tarha Mujh Se "Kitabon" Mein Mila Kar,

"Logon Ka Tujhe "Dar" Hai Tu "Khwabon" Mein Mila Kar,

"Phool Ka "Khushboo" Se "Taluk" Hai Zarori,

"Tu "Mehak" Ban Kar Mujh Se "Gulabon" Mein Mila Kar,

"Jise "Chhu" Kar Main "Mehsos" Kar Sakon,

"Tu "Masti" Ki Tarha Mujh Se "Sharabon" Mein Mila Kar,

"Main Bhi "Insan" Hon, Hai Dar Mujh Ko Bhi "Behakne" Ka,

"Es "Waste" Tu Mujh Se "Hijabon" Mein Mila Kar...!!!

٠•●♥ My Sweet Poetry ♥●•٠

koi chehra hua roshan na ujagar ankhain

aina dekh rahi thin meri pathar ankhain

le uri waqt ki andhi jinhen apne hamrah

aj phir dhund rahi hain wahi manzar ankhain

phut niklin to kai shahar-e-tamanna dube

ek qatre ko tarasati hui banjar ankhain

us ko dekha hai to ab shauq ka wo alam hai

apne halakon se nikal ai hain bahar ankhain

tu nigahon ki zuban Khub samajhata hoga

teri janib to utha karati hain aksar ankhain

log marte na dar-o-bam se takara ke kabhi

dekh lete jo 'Kamal' us ki samandar ankhain

٠•●♥ My Sweet Poetry ♥●•٠

Wo Husn-e-Mujasam Kamal uski Ankhein..

Sarapa Muhabbat Jamaal uski Ankhein..

Jhukein to Lagti hain Zewar Haya ka..

Uthein to karein phr Sawal uski Ankhein..

Milein to mein donu Jahan dy k ly lu..

Wo chehra,, Wo Zulfain.. Wo Gaal.. Uski Ankhein..

Agar koi poochy k Dunya Mein kia hai..

Dewana khy ga Misal Uski Ankhein..

Un Ankho k kajal mein Dooba hun Shaid..

Ajab Phir Chali hain ye Chaal uski Ankhein..

٠•●♥ My Sweet Poetry ♥●•٠

Janay Kiu Shikast K Azaab Liye Phirta Hon..

Mai Kia Hon, Aur Kia khuwab Liye Phirta Hon..

Us Ne Ik Baar Kia Tha Sawal-e-Muhabbat..

Mai Har Lamha Wafa K Jawab Liye Phirta Hon..

Us Ne Pocha Kab Se Nahi Soye..

Mai Tab Se Rat Jagon K Hisaab Liye Phirta Hon..

Uski Khuwahish Thi Meri Ankhon Mai Paani Dekhe..

Mai Tab Se Aanson Ka Selaab Liye Phirta Hon..

Afsos K Wo phir B Mera Na Howa..

Mai Jis Ki Aarzoo Ki Kitaab Liye Phirta Hon..

٠•●♥ My Sweet Poetry ♥●•٠

ab k mujh ko dkeh kar wo dekhta reh jaye ga

is qadar badlain ge hum wo sochta reh jaye ga

mere chere per b hon ge be rukhi k zawiye

aisa hai k mjh mai mjh ko dhondta reh jaye ga

us k gali se ab kabhi mera guzar mumkin nahi

wo apne gher k khirkyon se jhankta reh jaye ga

ku ansuuon k dhool mai main zindagi ko jhonk do

dil ka kya hai toot'ta hai too'ta reh jaye ga

٠•●♥ My Sweet Poetry ♥●•٠

Apnay ghar ki khirkee se main aasman ko dekhon ga

jis par tera naam likha hai , us taray ko dhoondon ga

tum bhi har shab diya jala kar palkon ki dehleez pe rakhna

main bhi roz aik khwab tumharay shehar ki janib bhaijon ga

hijr k darya main parhna lehron ki tehreerien bhi

pani ki har satar pe main kuch dil ki baatien likhon ga

jis tanha se payre k neechay hum barish mein bheegay thay

tum bhi usko chhoo k guzarna, main bhi us se liptoon ga

khwab musafir lamhon k hain , saath kahan tak jaien **

tum ne bilkul theek kaha hai , main bhi ab kuch sochon ga.

٠•●♥ My Sweet Poetry ♥●•٠