Kahein aahein, kahein sadmay, kahein wabaal rakha hay
Tumharay hijr nay malba yeh dil par daal rakha hay
Sir E tasleem kham kysay karein na dil ki khahiish par!
Isi totay saharay nay humein sanbhaal rakha hay
Palt k phir neshaman main kaii panchii nhi pahnchay
Kisi nay baam par shayed bichaye jaal rakha hay
Chalay aao, zara dykho k her mehfil main duniya nay
Tera mera woh qisa hay jo ab uchaal rakha hay
Ajaab yeh loog dytay hain tujhay nisbat gulabon say
Ghazal main hum nay tujh ko he teri misaal rakha hay
Yeh fasal E dosti hay yaa koi hay chaal ka hisa!!
K ab k yon jo dushman nay mera kheyaal rakha hay
Koii woh aarzu hum ko ,kiya hay dar_badar jis nay!
Kisi kheyaal nay ghar say humein nikaal rakha hay
Kaha us ny bichar jayein mahabat main jo hum dono.
Zara ci baat nay pehron mujhay nidhaal rakha hay..
No comments:
Post a Comment