Qadam qadam tha naya Marhala main Kya karti?
Taweel hota gaya tha Faasla main Kya karti ??
Har aik shakhs ko tha zaum -e- rahbari kitna
Bhatak raha tha mera Qaafla main Kya karti ??
Gham-e-hayat,gham-e-ishq aur gham-e-janaan
Ulajh gaya tha yun her ik Silsilaa main Kya karti?
Tumharey sath kisi bhi faisley ki fursat kab thi
Tumharey baad bhala koi Faisla main Kya karti ?
Bohat sambhaal k rakha tha dil mein Raaz tera
Woh ban k Aashk jo girnay Laga main Kya karti?
Mujhi se mangney aaya Woh lay key Majboori
Ab Uss sey Uss ki jafa ka Gilaa main Kya karti ?
Woh aansuoon ki zubaan khub janta tha Meri..
Mujhe bayaan ka na tha Hosla main Kya karti??
No comments:
Post a Comment