ajeeb lo`g haiN kyaa khuub munsifii kee hai
hamaare qatl ko kehte haiN khud-kushii kee hai
ye baaNkpan thaa hamaaraa ke zulm per hamne
bajaaye naalaa-o-faryaad shaairii kee hai
hamaari qadr karo chauNdaviiN ke chaaNd haiN ham
Khud apne DaaG dikhaane ko raushnii kee hai
udaasiyoN ko Hafeez aap apne ghar rakhkheN
ke anjuman ko zaruurat shaguftagii kee hai
٠•●♥ My Sweet Poetry ♥●•٠
No comments:
Post a Comment