Wohi Raaton ki bedaari hai ab tak,
Tamana ka safar Jaari hai ab tak,
Khayal e zabt aur tark e talluq,
Yahi pathar bohat bhaari hai ab tak,
Akeeli Chandni raaton main dil ko,
Sulag uthnay ki bemaari hai ab tak,
Abhi pichlay dinon hum pe jo guzri,
Usi rutt ka nasha taari hai ab tak,
Badan se ho k jo roohon main utri,
Usi qurbat ki sarshaari hai ab tak,
Main hijrat kr to lon "MOHSIN" chaman se,
Pr parindon se meri yaari hai ab tak..
No comments:
Post a Comment