Tu hai gar mujh se khafa khud se khafa hoon main bhi

Tu hai gar mujh se khafa khud se khafa hoon main bhi

mujh ko pehchan ke teri hi ada hoon main bhi 

sabt hoon dast-e-khamoshi pe hina ki soorat

na-shunida hi sahi tera kaha hoon main bhi

mujh ko paana ho to har lamha talab kar na mujhay

raat ke pichhlay pahar maang du'a hoon main bhi

jaanay kis raah chaloon kaun se rukh murr jaoon faysal

mujh se mat mil ke zamaanay ki hawa hoon main bhi

Kabhie Yun BHi aa meri Ankh mein k meri nazar ko khabar na ho

Kabhie Yun BHi aa meri Ankh mein k meri nazar ko khabar na ho

Mujhe ek raat nawaz da magar us ke baad sehar na ho

Woh bara rahim o karim hai mujhe yeh sifat bhi ata kare

Tujhe bhoolne ki dua karon Tu dua mein meri asar na 

Kabhii din ki dhuup mein jhuum ke kabhii shab ke phuul ko chuum ke 

Yuhi saath saath chalein sadaa kabhii khatm apanaa safar na ho 

Mera pass meray habib aa zara aur dil ke kareeb aa

Tujhe Darhkano mein basa lon k bicharne ka kabhie darr na ho

Khaama-e-dil ko thaam likhta hooN

Khaama-e-dil ko thaam likhta hooN

Taj k duniaa k kaam likhta hooN

HaaN ba-sad ehtaraam likhta hooN

Yaar-e-yaraaN! salaam likhta hooN

Is muraqqa-e-fikr-e-a'laa par

Apna adnaa kalaam likhta hooN

Meri kam-zarfioN ko jaane do!

YuN hi tohfe pe naam likhta hooN

Kho gaye kaaghazi khatoN k din

Ab to barqi payaam likhta hooN

Tum na sunte to main bhi kiyuN likhta

Ye jo main subh o shaam likhta hooN

Kar k Naasir ka zikr, aai faysal

She'r-e-aali-muqaam likhta hooN 

YooN mujh se zamaane ki tarah tu na milaa kar!

YooN mujh se zamaane ki tarah tu na milaa kar!

Aa mujh se meri heich maeeshat ka gilaa kar !

Pat-jhaR mein mujhe apni ada yaad dilaa kar

Ban kar tu mere chehre pe muskaan, khilaa kar!

Ki zeest so ab Daal de gardan mein ye baaNhein

Is haar ko sadioN ki aseeri ka silaa kar!

HarfoN ki bhi doori nahi hoti hai gavaara

LikkhuN jo tere naam se naam apna milaa kar

Kya jaaniye kis gaam pe uR jaayeN parakhche!

Kis jism ki tadfeeN ko kafan rakhein silaa kar!

Wo kya hain khazaane k jo niklein ge azeezo!

Baarood-e-adaavat se zameeN apni hilaa kar

SajdoN ki inaayat ho jo, us daagh ko Maula!

Ghaflat se aTi tang jabeenoN ki jilaa kar!

TooTe huey patte ki tarah cHoR gaee hai

Sehra mein hawa mujh ko tere shehr ki laa kar

faysal! hai muzir "sochna" be-hadd k isi ne

Suqraat ko cHoRa tha kabhi zehr pilaa kar

Yaad hai, na kucH gumaan-e-hijr hai

Yaad hai, na kucH gumaan-e-hijr hai

Ye bhi shayad imtehaan-e-hijr hai

Wo jo bicHRa hai to hai jaaN par bani

HaaN magar wo hi to jaan-e-hijr hai

Hai mujhe wehshat jo apne aap se

Rog kab hai, ye to shaan-e-hijr hai

Neem-shab karni hain girya-zaariaaN

Aao deewaano! azaan-e-hijr hai

Wo to mere chaar-su hai jalwa-gar

KiyuN bhala mujh ko gumaan-e-hijr hai!

Dard le lo! ashk le lo! khwaab lo!

Muft hai sab, ye dukaan-e-hijr hai

Zulm ye hai, jo gavaah-e-vasl thi

Ab wohi shab raazdaan-e-hijr hai

Ishq ka qissa wohi hai jaavidaaN

Asl mein jo daastaan-e-hijr hai

Saath faysal k mana lo shaam-e-gham

Sar dhuno yaaro! bayaan-e-hijr hai

* * * * * * * * *

Aariza laahaq hua hai aariz-e-gulfaam se

Aariza laahaq hua hai aariz-e-gulfaam se

Bas usi ki soch mein baiThe hain tanha shaam se

Ishq ki baatein kiye jaate ho khaas o aam se !

Dar nahi lagta tumhein Mansoor k anjaam se !

Shehr bhar k aaene toRe gi ye be-pardagi

Ghar se mat nikle, kaho us aaena-andaam se!

'Pyar dein ge", wo hamein kehte hain, 'pehle jaan do'

Main to muflis hi bhala aaise kisi ikraam se

Qissa-e-ulfat mein zikr-e-sar-khushi, aasoodgi

Ishq k ilzaam tak hai, vasl k ayyaam se

Mere ghar mein neem-shab hoti hain mehv-e-guftgu

Wehshatein, tanhaaiyaaN, deevaar o dar se, baam se

Mai na ho to aansuoN se bhar lia karte hain ham

Kya bataayeN, kis qadar uljhan hai khaali jaam se

Baadah-khwari ki tavaqqo aap se hargiz na thi !

Haif Zaamil ! aap bhi ghabraa gaye aalaam se

Aao faysal se zara milvaayeN tum ko, ye hain wo

Dehr mein badnaam se aur ishq mein nakaam se

* * * * * * * * 

Chaarah-gar mere pehlu mein sota raha, dard hota raha

Chaarah-gar mere pehlu mein sota raha, dard hota raha

Khud hi nishtar badan mein chubhota raha, dard hota raha

Daal kar aaj baaNhoN mein baaNhein sabhi log haNste rahe

Main akela hi kamre mein rota raha, dard hota raha

Ishq ki daastaN main sunaauN to kya, sab ko ma'loom hai

Dinba-din, dam-ba-dam chain khota raha, dard hota raha

YooN hi eik eik kar k bhale kirchioN mein badalte gaye

Phir bhi ankhoN mein main khwaab bota raha, dard hota raha

Dil bhi aata raha, zakhm milte rahe, saaNs chalti rahi faysal

Dard hota raha, dard hota raha, dard hota raha

Ab to kehte hain ye tanhaai se haare hue ham

Ab to kehte hain ye tanhaai se haare hue ham

Gham hi ho jayeN hamare k tumhaare hue ham

Ism-e-aa'zam sa koi apni zubaN par aya

Aap ka naam lia charkh k taare hue ham

Sirf hamraah-e-haqiqat to kaThin tha hona

Safha-e-dehr pe khwaboN k sahaare hue ham

Ishq mein eik zara maat hui hai ham ko

Aaise baiThe hain k hain jaan bhi haare hue ham

Wo to katraa k havadis hi nikal jate hain

Varna har aan adam ko hain sidhaare hue ham

Jaan dete hain kahiN hijr k maare hue log

Sher likhte hain yahaN paaoN pisaare hue ham

Aakhri daur-e-zamana hai or ab aaye hain

Waqt-e-kohna ki sadaaoN k pukaare hue ham

Koi dushvaar zubaN hain koi dushvaar sukhan

Khaam, be-fikr dimaaghoN pe utaare hue ham

Umr faysal ki nahi sirf shumar-e-shab o roz

Eik jivan hain mohabat mein guzaare hue ham

* * * * * * * * *

Chaahe kam-aagahi k zahaanat pe saaye hain

Chaahe kam-aagahi k zahaanat pe saaye hain

BooNdoN se main ne ilm k darya bahaaye hain

Jaane ghamoN ne itna kahaN se lia khuloos!

Jab-k ye wo jaga hai k apne, paraaye hain

Kya vasl hai k bujh gaee jismoN ki tishnagi

Tuf hai, ye ham ne kis k liye dukh uThaaye hain

MuNh se chali jo baat to muNh tak hi aa gaee

Ghazlein suna suna k ye luqme kamaaye hain

Sab muflisi k marz they aur us pe vaid ne

Ham ko kaee hazaar k nuskhe bataaye hain

Pur-peich raah-e-kaar-e-jahaN chaahe irtakaaz

Aur wo k yaad aaye jaaye, aaye jaaye hain

Farq-e-hayaat o maut hai fankaar hi ka dam

faysal! ye log khwaab ki ik aabnaaye hain

* * * * * * * * *

Chaar(4) cHe(6) she'roN mein kitne jhooT sach ghole gaye

Chaar(4) cHe(6) she'roN mein kitne jhooT sach ghole gaye

Kab kisi tak apne dil ki aag k sho'le gaye................ !!!

Dard sun kar aap ka, ye dil hi itna dukh gaya

Dard se do bol hamdardi k na bole gaye

Ikhteyaar aate hi kam-zarfoN ki jholi phaT gaee

MunsifoN k jism se insaaf k chole gaye

Aa gaya lo inqalaab-e-waqt, jis ka shor tha

MujrimoN ki beiRiyaN, zindaan sab khole gaye

Ye sukhan-var ho gaye is daur-e-na-qadri mein kiyuN!

Kis se poocHein, kiyuN gohar ye khaak mein role gaye!

Kis qadar mushkil se lauTe they zamiN ki or ham

Phir uRa kar khwaab tere raat ham ko le gaye

Tu bhi faysal dekh hi le ga dar-e-jannat ka muNh!

NeikiyoN mein gar tere ash'aar sab tole gaye!

Ye mere dil ka charaagh bujh kar

Ye mere dil ka charaagh bujh kar

DhuaaN wo de ga

K tum ko dunia k rang

Pheeke lagein ge saare!

Ye mere dil ka charaagh bujh kar

Tumhaari dunia mein teergi ka

Ik aaisa khole ga baab jis mein

Kisi bhi jaanib se

Raushni ka

Guzar na hoga!

Ye mere dil ka charaagh bujh kar

Tumhaari aankhoN ka noor le ga!

Ye mere dil ka

Charaagh

Aakhir ko bujh to jaaye ga yaar!

Lekin

Tumhaare dil ka

Qaraar le ga!

Tumhaari raatoN ki neend le ga

Tumhein jo de ga

Wo teergi k siva to kucH bhi nahi hai janaaN!

So is ko bujhne se tum bachaana!

K mere dil ka

Charaagh

Raushan raha to phir ye

Hamaari aankhoN ka noor hoga!

Hamaare dil ka qaraar hoga!

Isi k dam se to hoN gi raushan

Hamaari subhein,

Hamaari shaamein

So is ko bujhne se tum bachaana

Nahi to phir ye charaagh bujh kar

DhuaaN wo de ga

K tum ko dunia k rang

Pheeke lagein ge saare...!

* * * * * * *

" Hai Umr-e-RavaaN In AankhoN Mein "

" Hai Umr-e-RavaaN In AankhoN Mein "

Tha ishq jawaaN in aankhoN mein

They khwaab ravaaN in aankhoN mein

Milte huey dekha phir, un ko

Phir, un ki judaai dekhi thi

Tha zabt nehaaN in aankhoN mein

Rehti thi dua in honToN par

Milne ka gumaaN in aankhoN mein

Phir, aas ko marte dekha tha

Tha zabt jahaaN in aankhoN mein

They ashk ayaaN in aankhoN mein

Phir, jal k bujhe diye ashkoN k

Phirta tha dhuaaN in aankhoN mein

Ab waqt hua un baatoN ko

Un subhoN ko aur un raatoN ko

Mujh mein jo sulagta rehta ho

Aaisa to nahi hai ab kucH bhi !

CHaai hai amaaN in aankhoN mein

Par neend kahaaN in aankhoN mein...!!!

Kab talak shab kay andhairay mein sehar ko tarsay

Kab talak shab kay andhairay mein sehar ko tarsay

Woh musafir jo bharay shehar mein ghar ko tarsay

Aankh thehray howay paani say bhi katraati hai

Dil woh reh'roo ke samandar kay safar ko tarsay

Mujh ko uss qehat kay mosam say bacha rub e sukhan

Jab koi ehal e hunar, arz e hunar o tarsay

aab kay iss toor musallat howa andhaira har soo

Hijar ke raat mairay deeda e tar ko tarsay

Umar itni tu ataa kar mairay fun ko khaliQ

Maira dushman mairay marnay ki khabar ko tarsay

Uss ko paa kar bhi ussay dhoond rahi hain ankhain

Jaisay paani mein koie seep, gauhar ko tarsay

na'shana'sayee kay mousam ka asar tu daikho

Aaina khaal o khad e aaina gar ko tarsay

Aik dunia hai kay basti hai teri ankhon me

Woh tu hum thay jo teri ik nazar ko tarsay

Shoor e sur'sar mein jo sar sabaz rahi hai FAYSAL

Mousam e gul mein wohi shaakh samar ko tarsay

Gham-e-Hijar Se Na Dil Ko Kabhi Humkinaar Karna

Gham-e-Hijar Se Na Dil Ko Kabhi Humkinaar Karna

Mein Phir Aaoyoun Ga Palat Kar Mera Intezaar Karna

Mujhe Darr Hai, Mere Aansoo Teri Aankh Se Na Jhalkien

Zara Sooch Kar Samajh Kar Mujhe Sogawaar Karna

Ussey Dhoond Sab Se Pehlay Jo Mila Nahien Hai Tujh Ko

Yeh Sitarey Aasmaan Kay Kabhi Phir Shumaar Karna

Mere Shaher Ki Fiza Mein Koi Zahar Bhar Gaya Hai

Tere Husn Par Hai Laazim Ussay Khusgawaar Karna

Mein Uthayoun Gaa Na Ihsaan Tere Baad Na-Khuda Ka

Mujhe Tu Ney Hi Daboya, Mujhe Tu Hi Paar Karna

Mere Bad-Naseeb sathi, Teri Zindagi Hi Kya Hai

Na Kisi Sey Dil Lagaana, Na Kisi Sey Pyaar Karna

Kabhi Iqtidaar Bakhshey Jo Khuda FAYSAL Tujh Ko

Jo Rawish Hai Qatiloon Ki, Woh Na Ikhtiyaar Karna

Aao hum mil kar ek naya Jahan Banain

Aao hum mil kar ek naya Jahan Banain 

Duniya se Duur Pyar ka ek Nagar Banain 

Jahan Mohabbat ka Raaj ho 

Sar Par Khushi ka Taj ho 

Zindagi pay na Khauf tari ho 

Hifazat aik doojy ki Zimaydari ho 

Nafrat ki Jahan Ghuttan na ho 

Zindagi jahan Kathin na ho 

Chalo mill kar iss Khwab ki tabeer Dhondhain 

Iss Jahan mein Mohabbat ki Jaggir dhondhain 

Aao hum mill kar ek naya Jahan Banain 

Duniya se Duur Pyar ka ek Nagar Banain

apni marzi se kahan apne safar ke hum hain

apni marzi se kahan apne safar ke hum hain 

Rukh hawaaon ka jidhar ka hai udhar ke hum hain 

Pehle har cheez thi apni magar ab lagta hai 

Apne hi ghar mein kisi doosre ghar ke hum hain 

Waqt ke saath hai mitti ka safar sadiyon tak 

Kisko maloom kahan ke hain kidhar ke hum hain 

Chalte rehte hain ki chalna hai musafir ka naseeb 

Sochte rehte hain ki kis raahguzar ke hum hain 

Gintiyon mein hi giney jaate hain har daur mein hum faysal

Har qalamkaar ki benaam khabar ke hum hain

apnay hone pay na hone ka ghuma hota hy

apnay hone pay na hone ka ghuma hota hy

lamha lamha mujhe ehsas-e-ziyan hota hy,

koi hota hy jo karta hy kahin pay sazish,

ter ki pusht pay qirdar-e-kaman hota hy,

bhool jana usay muskil tu nahi hy laykin

kam assan bhi magar hum say kahan hota hy,

main nay dekha hy kisi khuf ka khadsha dil main

raat k pechlay pehar barh kay jawan hota hy,

dil main hoti hy baharon ki kasak bhi laykin,

is k hisay main magar khuf-e-khizan hota hy......!!

Dil he tau hey na Sang-o-Khez* Dard say bhar naa aaye kyun

Dil he tau hey na Sang-o-Khez* Dard say bhar naa aaye kyun

Royengey hum hazaar baarKoi humei sataye kyon

Deir* nahi,Haram* nahi, Dar nahin aasta nahi

Bethey hey hum rehguzar pay hum Geir humey uthaye kyon

Jab wo jamaal-E-Dilfaroz* Suuratey mehrey neemroz

Aap he ho nazara soz* Pardey mei munh chupaye kyon

Qeidey hayaato* bandey* gham Asal mei dono eik hey

Maut say pehley aadmi Gham say nijaat paaye kyon

Husn or uspay Husn-e-zan* Rah gayi bul hawas* ki sharam

Apney pay etimaad hey Gair ko aazmaye kyon

Haan nahi who KhudaParast Jao wo Be-wafa he sahi

Jiska Ho deen-o-dil azeez Uski gali mei jaaye qyo

‘Ghalib-e-Khasta’ key bager Konsay kaam band hey

Roeye zaar zaar kya Kijiye Hi Hi kyon

AANKHAIN KHULI RAHAIN GI TOH MANZAR BHI AYENGAI!!--

AANKHAIN KHULI RAHAIN GI TOH MANZAR BHI AYENGAI!!--

Aankhain khuli rahain gi toh manzar bih ayengai

Zinda hai dil toh aur sitamgarr bhi ayengai

Pehchaan lo tamaam faqeeron kay khadd-o-khaal

Kuch log shab ko bhais badal kar bhi ayengai

Gehri khamosh jheel kay paani ko yun na chaidh

Cheenthay uday toh teri qaba par bhi ayengai

Khud ko chhupa na sheesha garon ki dukhaan mai

Sheeshay chamak rahey hain toh pathar bhi ayengai

Aye shehr yaar dasht say fursat nahi -- magar!!

Niklay safar pay hum toh teray ghar bhi ayengai

*faysal* abhi saba ki sakhawat pay khush na ho

Jhonkay yehi basoorat-e-sarr sarr bhi ayengai...

Charaagh apne thakan kii koii safaaii na de

Charaagh apne thakan kii koii safaaii na de 

Wo tiiragii hai ke ab Khawaab tak dhikhaaii na de 

Bohat sataate hain rishte jo toot jaate hain 

Khudaa kisii ko bhii taufiiq-e-aashanaaii na de 

Main saarii umr andheron main kaat saktaa huun 

Mere diiyon ko magar roshnii paraaii na de 

Agar yahii terii duniiyaa kaa haal hai Maalik 

To merii qaid bhalii hai mujhe rihaaii na de 

Duaa ye maangii hai sehame huay mu'arrik ne 

Ke ab qalam ho Khudaa surKh raushnaaii na de 

mUjhay HairatOn Say hAi WaSta Meray Dil Ka Qissa Ajeeb hAi

mUjhay HairatOn Say hAi WaSta Meray Dil Ka Qissa Ajeeb hAi

jO Visaal rUtt Mein BiChr Gaya wO tO jAan Say Bhi Qareeb hAi

mUjhay hOsh Tha tO Khabar Na Thi Main jUnOo Mein Tha tO Pata Chala

wO jO Meray Dil Ka MakeeN hAi wOhii Jism o jAan Ka HaSeeb hAi

tUjhay jAnta Bhi Nahien kOii Mera Harf hAi mOa'atbir 

tUjhay Zar Mila mUjhay ShOratien Yeh Bhi Apna Apna NaSeeb hAi

mUjhay kOn tUjh Say Rehaaii Dey mUjhay Apna Aap Dikhaii Dey

Meray Dil Mein Ab Bhi Gharii hOii Terii AarzOo Ki Saleeb hAi

Main mUhabbatOn Ka Safeer hOn Mera Kaam KhUsbOo Bikhairna

Nahien Is Say kOii Bhi mUaamla K wO dOor hai Ya Qareeb hAi

mUjhay Zindgii Mein SakOon Milay Yahii AarzOo hAi Meray KHUDA

mUjhay Teergii Say Nijaat Dey K tOo rOshnii Ka NaQeeb hAi.......

Dushman ko bhi seenay say lagana nahin bhoolay,

Dushman ko bhi seenay say lagana nahin bhoolay,

Hum apnay buzargon ka zamana nahin bhoolay !

Tum aankhon ki barsaat bachayay huey rakhna,

Kuch log abhi aag lagana nahin bhoolay !

Yeh baat alag haath kalam ho gayey apnay,

Hum aap ki tasveer banana nahin bhoolay !

Ik umar huee main to hansi bhool chuka hoon,

Tum ab bhi meray dil ko dukhana nahin bhoolay !

Dushman ko bhi seenay say lagana nahin bhoolay,

Hum apnay buzargon ka zamana nahin bhoolay ! 

Tere Naam Ki Thi Jo Roshni Use Khud Hi Tune Bujha Diya,

Tere Naam Ki Thi Jo Roshni Use Khud Hi Tune Bujha Diya, 

Na Jala Saki Jise Dhoop Use Chandni Ne Jala Diya, 

Main Hoon Gardishon Mein Ghira Hua Mujhe Aap Apni Khabar Nahi, 

Wo Jo Shakhs Tha Mera Rehnuma Use Raaston Mein Ganwa Diya, 

Jise Tune Samjha RaQeeb Tha Wohi Shakhs Tera Naseeb Tha, 

Tere Hath Ki Wo Lakeer Tha Use Haath Se Hi Mita Diya, 

Mujhe IshQ Hai Ke Janoon Hai Abhi Faisla Hi Na Ho Saka, 

Mera Naam Zeenat-E-Dasht Tha Mujhe Aandhiyon Ne Mita Diya, 

Ye Udasiyon Ka Jamal Hai Ke Hamara Ooj-E-Kamal Hai, 

Kabhi Zaat Se Bhi Chupa Liya Kabhi Sheher Bahr Ko Bata Diya, 

Meir Umar Ka Abhi Gulistan Khula Hua Zaroor Hai, 

Wo Phool Tha Teri Chah Ke Unhe Mausomone Ghira Diya...

Ghum Sum howa aawaz ka darya tha wo ik shakhs

Ghum Sum howa aawaz ka darya tha wo ik shakhs

Pathar bhi naheen ab wo sitara tha jo ik shakhs

Shayd wo bhi koi harf-e-wafa dhoond raha tha

Chehroon ko baray ghor se parta the wo ik shaks

Sehra kee tarah dair se piyasa tha wo shayd

Badal kee tarah toot key barsa tha wo ik shakhs

Ay taiz hawa koi khabar us key janoon kee!

Tanha safr-e-shouq pe nikla tha jo ik shakhs

Ab akhree sitroon main kaheen naam hai us ka

Ahbaba kee feh-rist main pehla tha jo ik shakhs

Hathoon main chhupay hoay phirta hai kai zakham

Sheeshay key khilonon se behilta tha jo ik shakhs

Mur mur key isay dekhna chahain meri akhain

Kuchh door mujay chhornay aaya tha jo ik shakhs

Har zehn main kuchh naqsh-e-wafa chhor ghia hai

Kehnay ko bharay shehr main tanha tha jo ik shakhs

Munkar hai wohee ab meri pehchan ka faysal

Aksar mujay khat khoon se likhta tha jo ik shakhs..

Hijr ka taara doob chala hai,dhalnay lagi hai raat Wasi

Hijr ka taara doob chala hai,dhalnay lagi hai raat Wasi

Qatra qatra baras rahi hai ashkhon ki barsaat Wasi

Tere baad yeh duniya waalay mujh ko pagal kar dain gay

Khushbu k des mein mujh ko lay chal apnay saath Wasi

Yun hi chup ki mohr laga kar kab tak gum-sum betho gay?

Khamoshi se dum ghut-ta hai, chhairo koi baat Wasi

Aaj tau us ka chehra bhi kuch badla badla lagta hai

Mausam badla, duniya badli, badal gaye haalaat Wasi

Mere ghar khushbu ka yeh raqs ussi k dum se hai

Us k saath chali jaaye gi phoolon ki baaraat Wasi

Chhorr "WASI" ab uski yaadein tujh ko pagal kar dain gi

Tu qatra hai,woh dariya hai,dekh apni auqaat " WASI "...!!

Tu hai gar mujh se khafa khud se khafa hoon main bhi

Tu hai gar mujh se khafa khud se khafa hoon main bhi

mujh ko pehchan ke teri hi ada hoon main bhi

sabt hoon dast-e-khamoshi pe hina ki soorat

na-shunida hi sahi tera kaha hoon main bhi

mujh ko paana ho to har lamha talab kar na mujhay

raat ke pichhlay pahar maang du'a hoon main bhi

jaanay kis raah chaloon kaun se rukh murr jaoon

mujh se mat mil ke zamaanay ki hawa hoon main bhi

pani tabeer-e-tamanna kay sarabon main utar ja

pani tabeer-e-tamanna kay sarabon main utar ja

aey mairay khaab naey bastee kay raston main utar ja

tujh ko paa lain na kaheen dasht kay weeraanay yeh

chaand ban kar tuu samandar ki hi lehron main utar ja

har taraf dhond rahee hain tujhey zaalim si khizaain

aks-e-khushbu main badal aur meri sanson main utar ja

jin ki khatir koe suraj hi nahin chamka kabhi

chandni raat main tu unn kay dareechon main utar ja

tuu "Behar Zaad" hai " Parwarda-e-Khurseed" na ban

tuu key dhal rait main sahil ki gharondon main utar ja

woh jo larkee tujhey dehleez pay miltee hai rozana

raat ka rang pehan uss kay hi baloon main utar ja

pairahan ourhh lay masoom si ek khahish ka

ban key aa taiz hawa us kay dupatton main utar ja

tuu rida dhaanp lay khush rang gulaboon ki tarha

zaiqa ban kay sanwar chupkay say honton main utar ja

tuu sanwar qous-e-qazah ki tarha aflaak say aa

uss key aanchal kay mehaktay huey rangon main utar ja

uss kay kamray ki puranee kissi khirkee say nazar kar

ek ghazal ki tarha faysal kay khiyaloon min utar ja

Yeh hadain na tourr dainaa, meray daairey mein rehnaa

Yeh hadain na tourr dainaa, meray daairey mein rehnaa

Mujhey apney dil mein rakhnaa, meray haafzzey mein rehnaa

Meray mazaroun mein bassnaa, meri guftugoo mein hounaa

Meray lamss mein samaana, meray zaaiqey mein rehnaa

Kabhi dhoop kay nagar mein,mera saath chhour jaana

Kabhi meraa akss ban ker meray aainey mein rehnaa

Kabhi manziloun ki soorat, meri dastarass sey baahir

Kabhi sang-e-meel ban ker meray raastey mein rehnaa

Meray haath ki lakeerain tera naam ban kay chammkain

Meri khwaahishoun ki khushboo meray zaaichey mein rehnaa

ajeeb shaks thaa woh.......

Ajeeb shaks thaa woh....

fana key saray dars usko yaad rehtey they

usi keiy dam sey yeh maqtal abad rehtey they

jou badnaseeb they woh baamurad rehtey they

woh apny houn ya parayey houn shad rehtey they

ajeeb shaks thaa woh.......

sarab rutt mein, woh qafley kaa rahbar bhee

woh meri ho yaa teri, zindgi kaa mehwar bhee

shab kaa chand bhee woh, aur subh ka khawar bhee

junoun ki dastan ka awal bhee aur akhir bhee

ajeeb shaks thaa woh.......

woh raigzaron mein ik shajr-e-sayadar bhee thaa

kisi kaa dost na thaa ur sab ka #### bhee thaa

tamam shehar jiski mahabat k qaarzdar bhee thaa

dukhee dilon key leeay aakhiri pukaar bhee thaa

ajeeb shaks thaa woh.......

woh nafratoan mein bhee mahabatain lutata raha,

naabeena shehar mein beenaiiyan ganwata raha

shehar bhar mein deeay khoon se jalata raha

haye afsos magar woh bhee jaan se jata raha

(Haye woh shaks Jaan sey jaata rahaa.....!!! )

woh marr key bhee jou hey zinda ajeeb baat nahi

gou yeh bhee taiy hey kisi shay ko bhee sabat nhi

woh jisko aata hou yeh funn key woh dilon mein raahey

jou khud hou tanha magar sari mehfilon mien raahey

woh aik shaks jisey mohsin kaha hey dunya ney,

yeh sach hey bas wohi mohsin thaa sari dunya ka

ajeeb shaks thaa woh.......

mien kya kahon ajeeb shaks thaa woh

mujhey to lagta hey

shayad keiy moshin-e-waqt thaa woh...!!!

Woh apnay chehray mein sau aaftaab rakhtay hain,

Woh apnay chehray mein sau aaftaab rakhtay hain,

Isiliyey to woh rukh pay nakaab rakhtay hain !

Woh paas baithay to aaatee hai dilruba khushboo,

Woh apnay hothon pay khilta gulab rakhtay hain !

Har ik wark mein tum hi tum ho jaan-e-mehboobi,

Hum apnay dil ki kuch aaisee kitab rakhtay hain !

Jahan-e-ishq mein Sohni kahin dikhayee dey,

Hum apni aankh mein kitnay Chenab rakhtay hain !

Woh apnay chehray mein sau aaftaab rakhtay hain,

Isiliyey to woh rukh pay nakaab rakhtay hain !

kisi ki AaNkh jo pur-nam nahiN hai

kisi ki AaNkh jo pur-nam nahiN hai

na samjho yeh keh us-ko GHam nahiN hai

savaad-e dard maeN tanhaa khaRaa hooN

palaT jaa'ooN magar mausam nahiN hai

samajh maeN kuch nahiN Aataa kisi ki

agarcheh guftugu mubham nahiN hai

sulagtaa nahiN tareek jaNgal

talab ki lau agar madhdham nahiN hai

yeh basti hai sitam parvardigaaN ki

yahaaN ko'ie kisi say kam nahiN hai

kinaarah doosraa daryaa ka jaisay

woh saathi hai magar mehram nahiN hai

dilooN ki raushni bujhnay na daenaa

vujood-e teergi mohkam nahiN hai

maiN tum ko chaah kar pachtaa rahaa hooN

ko'ie is zaKhm kaa marham nahiN hai

jo ko'ie sun sakay ~faysal~ to dunyaa

bajuz ik bazgasht-e GHam nahiN hai

Sub Kuch Waar Doonga Tujh Per Hans Hans Kar main.

Sub Kuch Waar Doonga Tujh Per Hans Hans Kar main.

Na Waroon To Bewafa Be Murawaat Be Qadar main.

Is Qadar Chahatoon Ki Parchaiyaan Tjhe Doonga,

k Dhoop Pal Na Aigi Tujhe per Pori Umer Main.

Taroon Ki Zia Chura Kar, Chanda Ki Roshni Se,

Sub Sukh LIkh Doonga Peshani-e-Mehboob per main,

Teri Raah K Pathroon Per Main Khud Let Jaonga.

De Jaonga Sukoon Tere Qadmoon Ko Janewafa Mar Kar main.

Sub k Sub Khush Honge, Teri Khushi k Manzar main.

Itni Duain Dejaonga, Tujhe Jholian Bhar Bhar main.

Kabhi Na Tu Udas Hona, Raigaan Hojaigi Zindagi Meri.

"FAYSAL" Us k Bina Dil Chahe Abhi k Abhi jaon Mar Main.

MERI RAUNAQ TU PEHCHAN HAI TU

MERI RAUNAQ TU PEHCHAN HAI TU

MERI ZINDAGI TU EEMAAN HAI TU

BIN TERE BE RANG DUNIA SARI

EK SANS LENA BHI KITNA BHARI

YEH ROH-O-JISM BEKAR HAIN SAB

MERE JEENE KA SAMAAN HAI TU

HER LAFZ TERA TAQDEER HAI MERI

MERA HER KHAYAL TASVEER HAI TERI

SARE AZEEZ GAIR HAIN LAGTE

EK MERA APNA MEHMAAN HAI TU

NA MAIN BEWAFA NA MAIN BEQADAR

GUNAHGAR HOON MUJH KO HAI KHABAR

MERI NEKION KA SILA HAI TU

MERE RAB KA EHSAAN HAI TU

TISHNA GAR TUJHE BHOOL JAI

USI PAL MAIN ISAI MAUT AAI

TUJHE BADNAAM KAISE KARTA GUL

MERI IZAT TU GIRABAAN HAI TU

AE DOST ZINDAGI MAIN AISE PAL BHI AAI HAIN

AE DOST ZINDAGI MAIN AISE PAL BHI AAI HAIN

HUM NE LAL-O-GOHAR AUR YAQOOT BHI THUKRAI HAIN

US KI KHUSHI KI KHATIR GUNGUNANA ADAT BANI

MUSEEBATOON K TOFANOON MAIN BHI HUM MUSKIRAI HAIN

RATOON KO KISI K SANG HUM NE EK LAMHE MAIN BITA DIA

APNE HI GHAR MAIN KAI BAAR HUM CHOR BAN KER AAI HAIN

SIWA US K PAL KATINA BARI BAAT HOTI THI

KHUDA NE HUM KO HIJR K SAU BARAS BHI DIKHAI HAIN

HUMAIN UDAS DEKH KER AKSAR WO ROOTTH JATA THA

AAJ USI DILBER NE ASHKOON K SAMANDER RULAI HAIN

TISHNA USE CHAHTE REHNA SOCHOON TO NADANI HAI

MAGAR KIA KAROON JITNA BHULAYA UTNA WO YAAD AAI HAIN

KAI RASTE KAI MOR HAIN TU JAHAN CHAHE NIKAL JAI

KAI RASTE KAI MOR HAIN TU JAHAN CHAHE NIKAL JAI

MERA JISM TO MAUM HAI BAHAR NIKLOON TO PIGHAL JAI

TEZ RASTOON KI DOOR MAIN RUKA TO MAIN GIR JAONGA

TEZ DORA TO HATH TERA HATHOON SAI MERE NIKAL JAI

AAJ KHAMOSHI KUCH ZIADA HAI, AUR RAUSHNI KUCH KUM

AAJ AGAR TU AAJAI TO MAUSAM SARA BADAL JAI

MERE WASTE INTZAAR MAIN WO KAI DINOON SAI UDAAS HAI

JHOTI MAGAR BATAIN KARO SHAYAD YEH DIL BEHAL JAI

EK PARWANE K JAISI ZINDAGI MERI BAN GAI AB

GAR DOOR RAHE TO TARPE AUR PAAS AAI TO JAL JAI

WO AAIGI WO AAIGI AFWAIN AISI PEHLAO K DIL

BOHAT DINOON SAI UDAAS HAI HO SAKTA HAI MACHAL JAI

TISHNA WO BAWAFA HAI TU AAI MERE SAMNE EK PAL

DIL JALA HAI AAJ BOHAT SHAYAD YEH AANKH UBAL JAI

CHAUTI PIYARI AANKHOON MAIN ASHKOON K SAMANDER

MAIN NAHIN CHAHTA YEH DUNIA SARI

KHUDARA MUJHE KAR DE TU MAUT TARI

CHAUTI PIYARI AANKHOON MAIN ASHKOON K SAMANDER

DEKHOON TO CHUBHNE LAGTA HAI DIL MAIN KOI KHANJAR

MERI SARI KHUSHION KO UN MAIN TU BANT DE

UN K SARE GUMOON KO DAMAN MAIN MERE CHANT DE

KHUDARA MAN LE ILTAJAIN SARI

YA MUJHE KAR DE TU MAUT TARI

KISI KO MOHABBAT MAIN DUKH NA MILE

AASHIAN KISI KA AB NA JALE

SAB K ASHKOON KO MERI AANKHOON MAIN BASA DE

SAB KI RAHOON K KANTE MERE SEENE MAIN CHUBHA DE

AUR YOUNHI RAKH TU SARA KARWAAN JARI

YA MUJHE KAR DE TU MAUT TARI

KISI KO BHI ROTE MAIN DEKH NAHIN SAKTA

KAMZOOR DIL HAI MAGAR PHENK NAHIN SAKTA

SAB K GUNAHOON KI MUJH KO SAZA DE

JEHANUM SAI KHUDARA SAB KO BACHA LE

PASAND HAI GUNAHOON KO HUM KO BOJH BHARI

MAIN NAHIN CHAHTA YEH DUNIA SARI

MAZLOMOON PER SITAM MAIN DEKH RAHA HOON

SURKH AANKHAIN NUM MAIN DEKH RAHA HOON

TISHNA MUSALMANI TERI KAHAN PE KHO GAI

EEMAN KI SEHAR HAI KAHAN PE SOO GAI

HI MUHAFIZ LOOT RAHA HAI KHUD HI SAWARI

MUJHE KAR DE KHUDARA TU MAUT TARI

kuchh to ay yaar ilaj_e_gham_e_tanhai ho

kuchh to ay yaar ilaj_e_gham_e_tanhai ho

baat itni bhi na bardh jaye k ruswai ho

doobnay walay to ankhon say bhi kab niklay hain

doobnay k leay lazim nahen gehrai ho

jis nay bhi mujh ko tmasha sa bna rkha hay

ab zaruri hai wohi shakhs tmashai ho

main tujhay jeet bhi tohfay main nahen day sakta

chahta ye bhi nahen hoon tri paspai ho

aaj to bazm main har ankh thi purnam jaisay

dastaan meri kisi nay yahan dohrai ho

koi anjaan na ho shehr_e_mohabbat ka makeen

kaash har dil ki har ik dil say shnasai ho

yun guzar jata hay faysal tray koochay say

tera waqif na ho jesay koi sodai ho

Lo Pehn Lee Paon Main Zanjeer Ab

Lo Pehn Lee Paon Main Zanjeer Ab

Aur Kea Dikhlaye Gee Taqdeer Ab

Khud He Chal Kar Aa Gia Zindaan Tak

Kea Karo Gay Khawb Ki Tabeer Ab

Ae Maseeha! Jo Tri Baaton Main Thee

Dil Tlak Pohnchi Hay Wo Taseer Ab

Haye Ik Aahat Nay Phir Chonka Dea

Bolnay Wali Thee Wo Tasveer Ab

Seedha Meray Dil He Par Aa Kar Lgay

Aakhri Tarkash Main Hay Jo Teer Ab

Aur Kuchh Panay Ki Hasrat He Nahen

Mil Gaye Hay Pyar Ki Jageer Ab

sochataa huu.N ki muhabbat hai suruur-e-mastii

sochataa huu.N ki muhabbat hai suruur-e-mastii

isakii tanviir me.n raushan hai fazaa-e-hastii

sochataa huu.N ki muhabbat hai bashar kii fitarat

isakaa miT jaanaa, miTaa denaa bahut mushkil hai

sochataa huu.N ki muhabbat se hai taabi.ndaa hayaat

aap ye shamaa bujhaa denaa bahut mushkil hai

sochataa huu.N ki muhabbat pe ka.Dii sharte.n hai.n

ik tamaddun me.n masarrat pe ba.Dii shart.en hai.n

sochataa huu.N ki muhabbat hai ik afasurdaa sii laash

chaadar-e-izzat-o-naamuus me.n kafanaa_ii hu_ii

daur-e-sarmaayaa kii rau.ndii hu_ii rusavaa hastii

daragah-e-mazahab-o-iKhlaaq se Thukaraa_ii hu_ii

sochataa huu.N ki bashar aur muhabbat kaa junuu.N

aisii bosiidaa tamaddun se hai ik kaar-e-zabuu.N

sochataa huu.N ki muhabbat na bachegii zi.ndaa

pesh-az-vaqt kii sa.D jaaye ye galatii hu_ii laash

yahii behatar hai ki begaanaa-e-ulfat hokar

apane siine me.n karuu.N jazb-e-nafarat kii talaash

samandar mein utarta hoon to aankhe bheg jati hai

samandar mein utarta hoon to aankhe bheg jati hai

teri aankhon ko padta hoon to aankhe bheg jati hai

tumhara naam likhne ki ijazat cheen gayi jab se

koi bhi lafz likhta hoon to aankhe bheeg jati hai

tri yaadon ki khushboo kidkiyoun mein rakhs karti hai

tere gham min sulagta hoon to aankh bheeg jati hai

mein hans ke jheleta hoon judai ki sab rasmein

gale jab usske lagta hoon to aankhe bheeg jati hai

na jane hogaya hoon is qadar hasas mein kab se

kisi se baat kara hoon to aankh bheeg jati hai

wo sab guzre hue lamhat mujheko yaad aate hain

tumhare khat jo padta hoon to aankhe bheeg jatihai

mein sara din musruf rehta hoon magar jo nahi

khadam chukhat pe rakhta hoon to aankhe bheeg jaati hai

har ek muflis ke mathe per alim ki dastanein hai

koi chehra bhi padta hoon to aankhe bheeg jati hai

bad logon ke unche aur badnuma muhalon ko

gharib aankho se taangta hoon to aankhe bheg jati hai

tere kosche se mera taluq wajbi sa hai

magar jab bhi guzarta hoon to aankhe bheeg jati hai

hazaron masoomon ki hakamrani hai mere dil per

wasi mein jab bhi hansta hoon to aankhe bheeg jaati hai

Phir Ek Ciggrate Jala Raha Hun,

Phir Ek Ciggrate Jala Raha Hun,

Phir El Teeli Bujha Raha Hun,

.

Teri Nazar Mein Yeh Mashgala Hai,

Main Toh Uska Wada Bhula Raha Hun,

.

Samajhna Mat Isko Meri Adaat,

Yeh Dhuaan Jo Main Urha Raha Hun,

.

Yeh Teri Yadon K Silsalay Hain,

Main Teri Yaadein Jala Raha Hun,

.

Phir Ek Ciggrate Jala Raha Hun,

Phir Ek Teeli Bujha Raha Hun,

.

Main Pee K Itna Behek Chuka Hun,

K Gham K Qissay Suna Raha Hun,

.

Agar Tumhein Bhi Gham Hai Toh Pass Aao,

Main Pee Raha Hun Pila Raha Hun,

.

Phir Ek Ciggrate Jala Raha Hun,

Phir Ek Teeli Bujha Raha Hun,

.

Main Pee K Badalon Mein Ponch Chuka Hun,

Dhuaon Mein Khud Ko Urha Raha Hun,

.

Hai Meri Aankhein Toh Aaj Purnam,

Magar Main Sab KO Hansa Raha Hun,

.

Phir Ek Ciggrate Jala Raha Hun,

Phir Ek Teeli Bujha Raha Hun,

.

Tumhein Kya Matlab Humare Gham Se,

Mian Toh Yunhi Tum KO Suna Raha HUn,

.

Gar Bura Laga TOh Muaaf Karna,

Main Dil K Qissay Suna Raha Hun

.

Phir Ek Ciggrate Jala Raha Hun,

Phir Ek Teeli Bujha Raha Hun.....!!

Samajhta Nahi Yeh Dil Samajhanay Chalay Aao,

Samajhta Nahi Yeh Dil Samajhanay Chalay Aao,

Do Dillon K Faaslay Mitanay Chalay Aao,

.

Junoon-e-Ishq Mein Pagal Hogaye Hum,

Apni Bahon Mein Mujhe Samanay Chalay Aao,

.

Na Door Reh Kar Tarpao Na Dil Ko Tarsao,

Apna Bana Kr Apnanay Chalay Aao,

.

Mera Ishq Sacha Hai Mera Aithbar Karlo,

Mera Ishq Mera Pyaar Azmanay Chalay Aao....!!!!

BaNdh Lu hAth sE yA sEEny pr sAjaLun tUmkO,

BaNdh Lu hAth sE yA sEEny pr sAjaLun tUmkO,

G mE aAtA hy tAwiZ bAnaLuN tUmkO,

Phir tUmhAy sAnwArU tUmhAy bArhtA dEkhUn,

Q nA aNgAn mE chAmbeLi sA LagaLun tUmko,

JaisAy bALo mE chUnA kArtA hy ph0oL kOi,

GhAr k guLdAn mE phoLon sA LagaLun tUmko,

KiA ajAb khuAhiSiEn uThTi hAin mErAy DiL mE,

Kr k mAnAsA hAwAon mE uChaLun tUmk0,

Is kAdAr tOt kAr mUjhEy tUm pAr pyAAr aAtA hy,

ApNi bAhOn mE bhArU mAr hi daLu tUmk0,

KabHi khUabO ki tArhA aNkh k pArdy mE rAhO,

KabHi khUahiSh ki tArhA DiL mE buLaLun tUmk0,

Hy tUmhAry LiyE DiL mE kUch aKidAt aiSi,

ApnAy hAthO mE duAoN sA uThaLun tUmk0,

JؤaN dEnAy ki IjAzAt b nhi dEtAy hUmKo,

WؤrNa mAr jAuN abBi mAr k mAnaLun tUmKo,

JiS tArhA rAt k sEenAy mE hy mhtAb kA nO0r,

ApnAy DiL k mAkAn0 mE sAjALun tUmk0...

Sham Ko Yadon k Angan Mein Utar Jata Hun,

Sham Ko Yadon k Angan Mein Utar Jata Hun,

Aur Is Bazam Se Phir Waqt-e-Sehr Jata Hun,

.

Mujhko Maqsood Hai Har Hal Mein Rahat Teri,

Bujh Hun Gar Toh Tere Dil Se Utar Jata Hun,

.

Main Toh Qayim Hun Faqat Teri Kashish K Baa-is,

Teri Sarhad Se Jo Nikalun Toh Bikhar Jata Hun,

.

Gumbad-e-zaat Se Jo Sada Ati Hai,

Shab Ki Tanhai Mein Sunta Hun Toh Dar Jata Hun,

.

Mein Toh Qayim Hun Abhi Ehad-e-wafa Pe Apne,

Gar Tujhe Raas Nahi Hai Toh Mukaar Jata Hun......!!!!

Sukh Ka Mousam Khiyaal-o-Khawaab Howa

Sukh Ka Mousam Khiyaal-o-Khawaab Howa

Saans Lena Bhi Ab Dushwaar Howa

Ankhoon Ankhoon Mai Parha Karo Jazbay

Chehra Chehra Khuli Kitaab Howa

Roshni Us Kay Aks Ki Dekho

Aiena Shub Ko aftaab Howa

Ik Falaknaaz Ki Mohabbat Mai

Mai Hawaoo'n Ka Humrakaab Howa

Kon Moujoon Mai Gholta Hai Lahoo

Surkhroo Kis Leye Chanaab Howa

Kis Kay Sir Par Sinaa'n Ko Rashk Aya

Kon Maqtil Mai Kamyaab Howa

Ab Kay Hijraa'n Ki Dhoop Mai  faysal

Rang Us Ka Bhi Kuch Kharaab Howaa...!!

Main Usay Kesy Akela Chore Doon Is Rah Main

Main Usay Kesy Akela Chore Doon Is Rah Main

Sath jo Chalta Raha Majboriyon K Bad Bhi

Ban K Khushboo Rach Gaya Hai Yun Meray Ehsas Main

Door Ho Paya Nahin Wo Dooriyon K Bad Bhi

Rafta Rafta Us Ko Bhi Ye Duniya raas aa Gai

Muskra K Wo Mila Hai Ranjishon K Baad Bhi

Faslay Kab Kam Huwe Hain Rabton K Bad Bhi

Ajnabi They Ajnabi Hain Mohabbaton K Bad Bhi...

Dil Behalta Hai Kahan Anjum-o-Mehtaab Se Bhi

Dil Behalta Hai Kahan Anjum-o-Mehtaab Se Bhi

Ab Tu Hum Log Gaye Deeda-e-Bekhawaab Se Bhi

Roo Parha Hoon Tu Koi Baat He Aisi Ho Gi

Mai Kay Waqif Tha Teray Hijar Kay Adaab Se Bhi

KUch Tu Us Ankh Ka Shewaa Hai Khaffa Hoo Janna

Orr Kuch Bhool Hoi Hai Dil-e-Betaab Se Bhi

Aai Samander Ki Hawa Tera Karam Bhi Maloom

Piyaas Sahil Ki Tu Bujhti Nahi Sailaab Se Bhi

Kuch Tu Us Husun Ko Jannay Hai Zamana Sara

Orr Kuch Baat Chali Hai Meray Ehbaab Se Bhi

Dil Kabhi Gham Kay Samander Ka Shanawer Tha  faysal

Ab Tu Khoof Atta Hai Ik Mouja-e-Paayaab Se Bhi

Main jab bhi tark-e-taluq ki baat karta tha,

Main aiyna tha, woh maira khayal rakhti thi,

Main toot-ta tha to chun kar sambhal rakhti thi..

Har aik maslay ka hal nikal rakhti thi,

Zaheen thi, mujhay hairat main daal rakhti thi..

Main jab bhi tark-e-taluq ki baat karta tha,

Woh rokti thi mujhay, kal pay taal rakhti thi..

Woh mairay dard ko chunnti thi apni pooron say,

Woh mairay wastay khud ko nidhal rakhti thi..

Woh dobnay nahi daiti thi dukh kay darya main,

Mairay wajood ki naow uchaal rakhti thi..

Duain us ki balaon ko rook laiti thin,

Woh mairay chaar so hathon ki dhaal rakhti thi..

Ik aisi dhun kay nahi phir kabhi main nay suni,

Woh munfarid sa hansi main kamal rakhti thi..

Usay nadamatain mairi kahan gawara thin,

Woh mairay wastay asaan sawal rakhti thi..

Bichar kay uss say main dunya ki thokaron me hon  faysal

Woh pass thi tau mujhay lazawaal rakhti thi..

Hisaab-e-tark-e-ta'aluq tamaam main ne kia

Hisaab-e-tark-e-ta'aluq tamaam main ne kia

shoru us ne kia ikhtataam main ne kia

mujhe bhe tark-e-muhabbat ye hairatain he rahi'n

jo kaam mera nahi tha wo kaam main ne kia

wo chahata tha k daikhe mujhe bikharte hoey

so es ka jashn basad ehtamaam main ne kia

bohat dino main meray ghar ki khamoshi totii

khud apne aap se ek din kalaam main ne kia

us eak hijr ne milwa diya wasal se bhe

k tu gaya tu muhabbat ko aam main ne kia

wo aaftaab jo dil main dehak raha tha  faysal

usay supard-e-shafaq aaj shaam main ne kia

Sitare timtimate hain tu koe yaad aata hai

Sitare timtimate hain tu koe yaad aata hai

nazare geet gate hain tu koe yaad aata hai

usay aana nahi wapis magar pher bhe ye haath apne

dua ko jab bhe uthte hain tu koe yaad aata hai

kabhi jugno kabhi tare kabhi gunche kabhi badal

hamara dil jalate hain tu koe yaad aata hai

bohat koshish se bhe ham us sitamgar ko nahi bhole

kahen bhe dil lagate hain tu koe yaad aata hai

abhi rastoun main bikhri hai mehak pehli rafaqat ki

kise se milne jate hain tu koe yaad aata hai

hamari shaaeri pe ab bhe uski hukmarani hai

ghazal jab bhe sunate hain tu koe yaad aata hai

Main Din ko Kahon Raat Wo Iqraar Kry.

Main Din ko Kahon Raat Wo Iqraar Kry.

Mujhko Hasrat hai Koi Youn Bhi Mujhe Piyaar Kry

Meri Khatir Wo Sahy Dunya ke Ta’ny , Dhaky

Nangy Pairon se Wo Seharaoun ke Kanty Chakhy.

Mujhko Paany Ke Liye June k Rozy Rakhy.

Main Hon Dewana, Wo Dewno Sa Izhaar Kry

Main Din ko Kahon Raat Wo Iqraar Kry.

Mujhko Hasrat hai Koi Youn Bhi Mujhe Piyaar Kry

Sumandar Mein Utarta Hoon Tou Aankhen Bheeg Jaati Hain

Sumandar Mein Utarta Hoon Tou Aankhen Bheeg Jaati Hain

Teri Aankhon Ko Parhta Hoon Tou Aankhen Bheeg Jaati Hain

Tumhara Naam Likhne Ki Ijazat Chhin Gayi Jab Se

Koi Bhi Lafz Likhta Hoon Tou Aankhen Bheeg Jaati Hain

Teri Yaadon Ki Khushbu Khirkiyon Mein Raqs Karti hay

Tere Gham Mein Sulagta Hoon Tou Aankhen Bheeg Jaati Hain

Main Hans K Jheel Leta Hoon Judai Ki Sabhi Rasmein

Gale Jab Uss K Lagta Hoon Tou Aankhen Bheeg Jaati Hain

Na Jane Ho Gaya Hoon Iss Qadar Hassas Main Kab Se

Kisi Se Baat Karta Hoon Tou Aankhen Bheeg Jaati Hain

Wo Sub Guzre Hue Lamhat Mujh Ko Yaad Aate Hain

Tumhare Khat Jo Parhta Hoon Tou Aankhen Bheeg Jaati Hain

Main Saara Din Bahot Masroof Rehta Hoon Magar Junhi

Qadam Choukhat Pe Rakhta Hoon Tou aankhen Bheeg Jaati Hain

Her Ek Muflis K Maathe Per Alum Ki Daastanen Hain

Koi Chehra Bhi Parhta Hoon Tou Aankhen Bheeg Jaate Hain

Bare Logon K Oonche Badnuma Aur Sard Mahlon Ko

Ghareeb Aankhon Se Takta Hoon Tou Aankhen Bheeg Jaati Hain

Tere Kooche Se Ab Mera Ta’alluq Wajbi Sa Hay

Magar Jab Bhi Guzarta Hoon Tou Aankhen Bheeg Jaati Hain

Hazaron Mausamon Ki Hukmarani Hay Mere Dil Per

Wasi Main Jab Bhi Hansta Hoon Tou Aankhen Bheeg Jaati Hain

Kitne Aziyat Say Uss Nay Mujh Ko Bhulaya Hoga.

Kitne Aziyat Say Uss Nay Mujh Ko Bhulaya Hoga.

Mere Yadoon Nay Ussay Khub Rulaya Hoga.

Baat Be-Baat Aankh Uss Ki Jo Chalki Hogi.

Uss Nay Chahray Ko Bazuoon Main Chupaya Hoga

…

Soocha Hoo Ga Uss Nay Din Main Kaye Baar Mujhy.

Naam Hathele Par Bhe Likh Likh Kay Mitaya Hoga.

Jahan Us Nay Mera Ziker Suna Hoo Ga Kisi Say

Uss Ki Aankhoon Main Koe Aansoo Tu Aya Hoga.

Raat Kay Bhegnay Tak Neind Na Aye Ho Gi Tujhy.

Tuu Nay Takeye Ko Bhe Senay Say Lagaya Hoga.

Hoo Kay Nidhal Mere Yadoon Say Tuu Nay Jana.

Mere Tasveer Pay Sar Apna Tikaya Hoga.

Poocha Hoo Ga Jo Kisi Nay Tere Halat Ka Sabab.

Tuu Nay Batoon Main Khub Us Say Chhupaya Hoga

Mein Yun Miloon Tujhse Ke Tera Libaas Ban Jaon

Mein Yun Miloon Tujhse Ke Tera Libaas Ban Jaon

Tujhe Bana Ke Samandar Aur Khud Pyaas Ban Jaon

Aaj Pehloon Mein Mujhe Toot Ke Bikhar Jane Do

Kal Ko Shayad Mumkin Nahi Ke Mein Tumko Paon

…

Tu Ban Jaye Lehar Aur Mein Sahil Ban Jaon

Ho Ishq Mera Sahil To Mein Roz Tujhse Takraon

Mein Yun Miloon Tujhse Ke Tera Libaas Ban Jaon

Tujhe Bana Ke Samandar Aur Khud Pyaas Ban Jaon…!!!

‘Mujhe teri mohabbat mein kho jaane do,

‘Mujhe teri mohabbat mein kho jaane do,

Har lamha mar ke aaj phir jee jaane do,

Isse mahobbat ne dil ko aaj phir dhadkaya hai,

Mujhe ishq ki baaho mein so jaane do,

Tadap ki aag hai judaai ki baahon mein,

Mujhe aaj iss mohabbat se mil jaane do,

Meri saans chalti hai tere naam ki aahat pe,

Mujh benaam ko iss naam mein kho jaane do,

Kasam tujhe chalne wali hawaon ki mehboob,

Mujhe iss mohabbat ki aag mein jal jaane do’

Jane kis cheez ki wo mujhko saza deta hai

Jane kis cheez ki wo mujhko saza deta hai,

meri hansti huyi aankhon ko rula deta hai,

Kis tarah baat likhun dil ki usse, wo aksar,

doston ko mere khat padh ke suna deta hai,

Saamne rakh ke nigaahon ke wo tasveer meri,

apne kamre ke charaaghon ko bhuja deta hai,

Muddaton se to khabar bhi nahi bheji usne,

uski aadat hai wo apno ko bhula deta hai…

Abhi tu ishq mein aisa bhi haal hona hai

Abhi tu ishq mein aisa bhi haal hona hai

K ashk rokna tum sa mahaal hona haai

Har aik lab per hain mere wafaa k afsanay

Teray sitam ko abhi la-zawaal honaa hai

Tumhein khabar hi nahin,tum to lot jao ge,

Tuhare hijar mein aik lamha saal hona hai.

Humari rooh pe jab bhi azaab utrein ge,

Tumhari yaad ko is dil ki dhaal hona hai.

Kabhi to roye ga wo bhi kisi ki bahon mein,

Kabhi to uski hansi ko zawaal hona hai.

Mile gi hamko bhi apne naseeb ki khushiyan,

Bas intazar hai kab ye kamal hona hai.

Har ek shakhs chalay ga humari raahon par,

Muhabaton mein humain wo misaal hona hai

.

Zamana jiske kham-o-paich mein ulajh jaye,

Humari zaat ko aisa sawal hon hai……..

Yaqeen hai mujh ko k wo lot aaye ga,

Usay bhi apne kiye ka malaal hona hai…